Muling nagsama ang noo’y magkalaban sa larong basketball na sina Cong TV at Donny Pangilinan para sa isang ekslusibong proyekto sa Seoul, South Korea.
Isang pribilehiyo ang natanggap ng tambalang Cong at Donny na personal na makapanayam ang mga aktor ng pelikulang “Deadpool and Wolverine.”
Ngayong Hulyo ipapalabas ang ikatlong parte ng serye ng Deadpool na pinagbibidahan ng mga karakter nina Hollywood actors na sina Ryan Reynolds (Deadpool) at Hugh Jackman (Wolverine).
Ang mga nasabing pangunahing karakter, kasama ang kanilang direktor na si Shawn Levy ay personal na lumipad sa South Korea upang makadaumpalad ang kanilang mga manonood.
Bilang parte ng promosyon ng pelikula, nabigyan ng pagkakataon ang Team Payaman vlogger na si Lincoln Velasquez, a.k.a Cong TV na makapanayam ang mga ito.
Kasama rin nito ang aktor na si Donny Pangilinan, na s’ya ring representative ng bansa sa pagbisita ng mga bigating Hollywood actors sa South Korea.
“Nabigyan po ako ng pribilehiyo na interview-hin [ang mga karekter nina Deadpool at Wolverine]. Kinakabahan ako! Kung may idea kayo guys, i-comment n’yo nga” ani Cong sa kanyang YouTube live kamakailan lang.
To the rescue naman ang mga fans ni Cong TV na nagpadala ng kanilang mga suhestiyon na tanong para sa nasabing interview.
“What is your favorite number in the electric fan?” pabirong tanong na nagpahalakhak kay Cong.
“Do you know [Manny] Pacquiao?” tanong pa ng isa.
“Can you defend yourself from Tanggol?” dagdag ng isang tagapanood.
Matapos ang kanilang matagumpay na panayam, ibinahagi ni Cong TV ang kanyang litrato kasama si Donny Pangilinan, Ryan Reynolds, at Hugh Jackman sa isang Facebook post.
“Isinantabi muna namin ang away namin ni Donny Pangilinan sa basketbol para pagbigyan sila na magvideo video daw. #DeadpoolandWolverinePH” ani Cong.
Agad itong inulan ng samu’t saring reaksyon mula sa netizens, partikular na ng kanyang mga kapwa Team Payaman members.
Pat Velasquez-Gaspar: “Swerte niyo grabe nameet niyo si cong tv at donny!”
Carlo Santos: “Lupit na talaga ng AI ngayon!”
Jerom Miole: “Pagkaswerte nga naman ni Ryan at Hugh at nahawakan pa ang kamay ni Cong!”
Rainbin tv: “Ang swerte ni Wolverine naka pag pa picture sayo idol Cong TV”
CJ Rafols: “Ikaw na ata siguro papalit sa Wolverine, boss Cong TV!”
Excited na rin ba kayong mapanood ang interview ni Cong TV kina Ryan Reynolds at Hugh Jackman? Abangan lang sa kanyang YouTube channel!
Sa pinakabagong episode ng Dudut’s Kitchen, isang kakaibang cooking challenge ang inihanda ng resident cook…
Balik-bata vibes ang hatid ng bagong vlog ni Yow Andrada kasama ang kapwa Team Payaman…
Road to a healthier lifestyle ang motto ng mag-asawang Junnie Boy at Vien Iligan-Velasquez matapos…
Isa ngayon ang pagfu-foodtrip ang hatid ng Team Payaman vlogger na si Clouie Dims kasama…
Matapos ang Vietnam adVIENture ng Team Payaman momma na si Vien Iligan-Velasquez, isang bonggang shopping…
VIY-gger energy filled the Mall Atrium of SM City Fairview as the sixth leg of…
This website uses cookies.