Pat Velasquez-Gaspar Prepares For Son Isla Patriel’s First Birthday Celebration

Isa sa mga pinakahihintay ng mga magulang ay maipagdiwang ang kauna-unahang kaarawan ng kanilang mga anak, na s’yang pinatunayan ng mommy vlogger na si Pat Velasquez-Gaspar.

Dahil nalalapit na ang kaarawan ng anak nitong si Isla Patriel, a.k.a Baby Isla, alamin ang naging paghahanda nito para sa kanilang selebrasyon.

Birthday Preparations

Sa kanyang bagong vlog, sinama ni Mommy Pat Velasquez-Gaspar ang kanyang mga manonood sa naging paghahanda para sa unang kaarawan ni Baby Isla sa July 8, 2024.

Ani Pat, bagamat masaya ito na magdidiwang na ng kanyang unang kaarawan ang kanilang unico hijo, hindi nito mapigilang maging emosyonal.

“Ang laki na n’ya, ang bilis bilis ng panahon, parang dati kakapanganak ko pa lang tapos ngayon magwa-one [year old] na s’ya! Chine-cherish ko talaga ‘yung bawat moment na kasama namin s’ya ni Keng,” dagdag pa nito.

Unang humanap si Mommy Pat ng lugar na maaring pagdarausan ng kanilang selebrasyon. Bukod sa tradisyonal na set-up ng mga party, naisip ni Mommy Pat na magrenta ng mga indoor playground upang lalo nitong ma-enjoy ng mga batang bisita ang kaarawan ni Isla.

“Gusto ko talaga ‘yung mga bata ang mag-eenjoy, ‘yung wala masyadong program. Basta maglalaro lang sila,” paliwanag nito.

Una sa listahan nito ang KinderCity na matatagpuan sa Evia Lifestyle Center sa Las Piñas.  Inalam ng first-time mom ang presyo at ang mga kasama sa package kung sakaling nais ni Mommy Pat na ipagdiwang ang kaarawan ni Isla rito.

Aniya: “Alam kong hindi n’ya ito maaalala pero kami… alam mo yung satisfied ka, very happy, fulfilling na nagawa mo ‘yun sa baby mo. Naiintindihan ko ngayon bakit yung mga magulang todo effort sila sa pagse-celebrate.”

“So yung inner child mo, happy ‘di ba? Kasi napa-experience mo ‘yun sa baby mo,” dagdag pa nito.

Watch the full vlog below:

Likes:
0 0
Views:
271
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *