Isa ka rin ba sa mga kinilabutan sa kwentong-CR nina Cong TV matapos itong bumisita sa kanilang tahanan sa Cavite bago ang kasal?
Isang architect-vlogger ang naglakas loob na siyasatin ang katotohanan sa likod ng hindi maipaliwanag na karanasan ng pamilya Velasquez sa kanilang bahay sa loob ng mahabang panahon.
Sa huling vlog ng Team Payaman head na si Lincoln Velasquez, a.k.a Cong TV, muli itong bumisita sa kanilang tahanan bago tuluyang ikasal sa kanyang long-time partner at ngayon at misis na si Viy Cortez-Velasquez.
Bilang pagbibigay pugay sa kanyang mga pinagdaanan bilang isang vlogger, muling nilibot ni Cong ang bawat sulok ng kanilang tahanan na aniya’y naging parte ng kanyang pagsibol bilang isang content creator.
“Dito pa ako nagva-vlog dati. Ito na ba ‘yun?” laking gulat ni Cong.
Isa sa mga sinilip nito ay ang kanilang CR na kung saan biglang naalala ni Junnie Boy ang palaisipan sa kanilang pamilya.
“‘Di ba laging may kumakatok d’yan? Palaisipan dito ‘yun eh!” kwento ni Junnie.
Dagdag pa ni Cong: “Bata pa lang kami, may kumakatok na… Parang nagpupukpok, halos araw-araw.”
Aniya sinubukan na ng ama nilang si Marlon Velasquez Sr., a.k.a Papa Shoutout, na alamin kung sino ang nasa likod ng mga pagkatok.
“Mayroon [nakatira], pero wala namang tao!” aniya.
Isang architect-vlogger ang nagpahayag ng kaniyang kaalaman upang bigyang-linaw ang hiwaga ng CR ng Pamilya Velasquez, na hanggang ngayo’y hindi pa nila napagtatanto.
Sa isang Facebook video, ipinaliwanag ni Architect Llyan Austria kung bakit nga ba may tila kumakatok na tunog sa pader nina Cong kahit walang tao.
“Itong paranormal anomaly na nangyayari sa CR nila Sir Cong is most likely na tinatawag natin na water hammer o hydraulic shock,” bungad nito.
Ayon kay Llyan, nagkakaroon ng pagbabago sa pressure sa mga tubo ng tubig, dahilan upang manginig ito at gumawa ng tunog na tila kumakatok sa pader.
Upang maiwasan aniya ang pagkakaroon ng mga tunog gaya ng pagkatok, nagbahagi ng ilang payo si Llyan sa pagsasaayos ng bahay.
“One way to counteract this is to install a water hammer arrestor. Kailangan i-install n’yo ‘to habang nila-layout pa lang inyong mga pipes,” ani Llyan.
Watch the full video below:
Isa ngayon ang sports sa mga pinagkakaabalahan ng Team Payaman member na si Clouie Dims…
Maliban sa vlogging, mas aktibo ngayon ang Team Payaman editor-turned-vlogger na si Kevin Hermosada sa…
Following the release of their successful TEAM PYMN: Headbang collection earlier this year, Cong Clothing…
Kilala si Eri Neeman bilang isa sa mga tanyag na wedding hosts sa bansa na…
Want that luxurious "amoy mayaman" vibe without emptying your wallet? Achieve a refined and luxurious…
Makalipas ang halos apat na buwan, ginulat ng Team Payaman headmaster at content creator na…
This website uses cookies.