Jake Peralta Wows Newlyweds Cong TV and Viy Cortez-Velasquez With a Live Portrait Painting

Bukod sa engrandeng ayos ng simbahan, reception, pati na rin ng programa ng kanilang “dream wedding,” isa sa bumuo ng kasalang Cong TV at Viy Cortez-Velasquez ang wedding portrait na gawa ni Jake Peralta.

Alamin ang naging proseso at inspirasyon sa likod ng kahanga-hangang live painting nina Cong TV at Viy.

#PerfectCongViynation Portrait

Matapos ang seremonya sa simbahan, dumiretso ang bagong kasal sa Marriott Hotel Manila upang ipagdiwang ang kanilang pag-iisang dibdib.

Isa sa mga pumukaw ng pansin ng mga dumalo ay ang pintor na si Jake Peralta, na agarang sinimulan ang kanyang obra ng litrato ng bagong kasal.

Si Jake Peralta ay isa sa mga bumuo ng kasalang Lincoln Velasquez, a.k.a Cong TV at Viy Cortez-Velasquez sa tulong ng kanyang malikhaing mga kamay.

Bukod sa mga kasal, naiimbitahan din si Jake sa iba pang klase ng mga okasyon upang maipamalas ang kanyang galing sa pagpinta ng mga nagdiriwang.

Sa eklusibong panayam kasama ang VIYLine Media Group (VMG), ibinahagi ni Jake na taong 2010 nang simulan nito ang pagguhit at pagpinta. Ibinahagi rin nito ang puno’t dulo ng kanyang pagkahilig sa sining.

“Dahil painter ako, artist ako, nakaisip ako na gumawa ng live painting sa isang wedding kasi usually sa ibang bansa meron. Pero meron na rin sa Philippines,” aniya.

Dagdag pa nito: “Pero naisip ko ‘yung style ko na gagawin kay Ms. Viy and Sir Cong is kakaiba siya, parang magiging portrait siya. Target ko is para siyang photo, ‘yung pagkakagawa.”

Priceless Reactions

Inamin ni Jake na isa rin siya sa libo-libong tagahanga ng YouTube power couple at maging ng buong Team Payaman.

“Yes po. Since nag-start sila. Parang nasubaybayan ko rin sila non. So sabi ko, ito ‘yung opportunity para i-share ko ‘yung talent ko sa kanila” kwento ni Jake.

Dagdag pa n’ya, isa ang grupo ng content creators na Team Payaman sa nag-udyok sa kanya na simulan ang kanyang karera sa pagpipinta.

“Siguro ‘yung naging inspiration ko sa pagla-live painting is ‘yung parang sa Team Payaman, nagsimula sa wala den. Tapos, parang ‘yun ‘yung naging motivation ko para mag work hard at mas pagandahin pa ‘yung aking artwork.” 

Habang patuloy ang program ng wedding reception nina Cong at Viy, patuloy lang si Jake sa pagpipinta ng mukha ng mag-asawang Cong at Viy suot ang kanilang wedding gown at tuxedo.

Nang matapos na ang kanyang obra, agad nitong ipinaabot sa bagong kasal ang kanyang pinaghirapang live painting portrait, na kanyang ipinasilip rin sa kanyang TikTok video.

“Wow! Ang ganda!” reaksyon ni Cong.

“Wooooow! Ang ganda, thank you! Ididisplay namin ‘yan sa bahay!” nangingiyak na sambit ni Viy.

Yenny Certeza

Recent Posts

Doc Alvin Francisco Fulfills Dreams of Future Doctors Through Scholarship Initiative

Kamakailan, ibinahagi ng Team Payaman resident doctor na si Alvin John Francisco sa kanyang YouTube…

2 days ago

Alex Gonzaga-Morada Surprises Husband Mikee Morada with an Office Visit

Sa pinakabagong vlog ng Filipino actress at comedian na si Alex Gonzaga-Morada, ibinahagi niya sa…

3 days ago

Netizens Applaud Pat Velasquez-Gaspar After Sharing First Hosting Experience

Bukod sa kanyang tungkulin bilang asawa at ina, ipinakita ni Pat Velasquez-Gaspar ang kanyang skill…

3 days ago

Viyline Media Group Partners with Opulent Beauty for Team Payaman Fair 2025 in Cebu

Viyline Media Group is bringing its highly anticipated Team Payaman Fair to Cebu for the…

4 days ago

Viy Cortez-Velasquez Shares Heartwarming Bonding Moment With Daughter Tokyo Athena

Naghatid ng ngiti sa mga tagapanood ang munting sandaling ibinahagi ng Team Payaman mom na…

4 days ago

Yow Andrada Reflects on Passion, Creativity, and Finding One’s Self

Sa pinakabagong vlog ni Yow Andrada, ibinahagi niya ang kanyang mga karanasan at mga reyalisasyon…

4 days ago

This website uses cookies.