Enero ng taong ito nang opisyal na inanunsyo ng Icelandic-singer songwriter na si Laufey ang kanyang pagbisita sa Pilipinas ngayong Mayo.
Dahil isa ang pinsan ni Pat Velasquez-Gaspar na si Jasmin Cortez sa sumusuporta rito, walang pagdadalawang isip nitong sinurpresa ng VIP Pass experience sa nasabing concert ang kanyang pinsan.
Ilang minuto lang matapos magalak ni Jasmin Cortez sa pagdating ng kanyang iniidolong singer, agad na nakaisip ang kanyang Ate Pat ng isang bonggang surpresa.
“Laufey is in Manila now?” ani Jasmin.
“Ganyan s’ya ka-fan, updated s’ya na nandito ‘yung favorite artist n’ya!” bungad ni Pat.
Kaya naman dinokumento ni Pat sa kanyang bagong vlog ang puspusang paghahanap ng ticket upang makadalo sa kauna-unahang concert ni Laufey sa bansa kasama ang Philharmonic Orchestra.
“Si Jas, hindi s’ya humihiling ng kahit ano sa akin. Kaya ako, kapag may nakikita akong gustong-gusto n’ya, gusto ko talagang ibigay sa kanya” kwento nito.
Napagtanto rin ni Pat na maaaring ang pagkahilig ng pinsan nitong si Jasmin sa mga jazz music ang repleksyon ng kanyang personalidad o pagkatao.
Bago pa man tuluyang makakuha ng VIP tickets, ilang scammers din ang hinarap ni Pat dahil aniya’y talamak na ang mga manloloko lalo na pagdating sa bentahan ng concert tickets.
Bagamat nagkakaubusan na ang tickets, dalawang VIP tickets pa rin ang nakuha ni Pat matapos ang puspusang paghahanap online.
Upang mas lalong maging masaya ang kanyang surpresa, sinabihan ni Pat si Jasmin na mag-ayos dahil may pupuntahan silang isang birthday party.
Lingid sa kaalam ni Jasmin na sa concert ng kanyang iniidolong singer na si Laufey ang kanilang pupuntahan.
Mula sa pag-aayos ng buhok hanggang sa paghahanap ng kanyang susuotin, hands-on ang kanyang ate Pat sa pagaasikaso kay Jasmin.
Abot tenga ang ngiti ni Jasmin nang mapagtantong concert ng kaniyang idolo ang kanilang pupuntahan.
“Thank you! Happy ako” pasasalamat ni Jasmin.
“Naiiyak ako, parang nahi-heal ‘yung inner child ko,” emosyonal na kwento ni Pat.
Watch the full vlog below:
Isang nakakatuwang balita ang hatid ng Team Payaman content creator na si Yow Andrada sa…
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
This website uses cookies.