Kung isa kang solid Team Payaman fan at interesado kang malaman kung ano nga ba ang karaniwang pinagtatalunan ng mga tao sa Congpound, pwes ito ang regalo ni Viy Cortez para sa’yo.
Sinubukan ng 27-anyos na Team Payaman vlogger at entrepreneur na gumawa ng bagong YouTube segment na tinawag niyang “Medyo Reality Show” sa kanyang ikalawang YouTube channel.
Ang unang bahagi ng reality show ay pinamagatang “Sabog Day” kung saan pinagdiskusyunan ng mga miyembro ng House G ang tila sumabog na linya ng kuryente sa isang banyo.
Paliwanag ni Carmina Marasigan, o mas kilala bilang si Ate Acar, napansin na lang niyang may amoy sunog sa nasabing banyo.
“Naandon ako sa loob ng kwarto namin, napansin ko na parang may amoy sunog… Maya-maya, biglang may sumabog,” ani Ate Acar.
Kaya inimbestigahan ni Viy ang mga pangyayari bilang isa sa mga namumuno sa nasabing tahanan.
Iminungkahi rin ng sekretarya ni Viy na si Pat Pabingwit na humingi ng tulong sa mga eksperto kagaya ng kanilang bodyguard na si Kuya Glenn.
“So kailangan namin ng expert na may alam sa kuryente,” ani Pat.
Subalit umani siya ng sari-saring reaksyon mula sa mga kasama sa bahay sapagkat mali siya ng nirekomendang tao.
“Pat, ‘wag ka na bida-bida sa mga kwento. Kung may eviction talaga dito, isa ka sa maraming points,” ani Viy kay Pat.
Sinubukan din ng Team Payaman members na magkaroon ng sariling nomination night, kung saan umani si Pat ng kabuuang 11 points.
Ngunit sa huli, pinakamalaki pa rin ang puntos na natanggap ni Cong TV nang bigyan siya ng 30 points ng kanyang editor na si Ephraim Abarca dahil lagi raw siya nitong isinasama sa negosyong Wheelz on the South (WoTS).
“50 points para kay Bossing [Cong]. Kasi lagi niya akong sinasama sa WoTS. Pero actually kumikita naman ang WoTS eh, kaya minus 20, kaya 30 points,” biro ni Ephraim.
Alamin kung ano nga ba ang sanhi ng nasabing pagsabog sa banyo at abangan ang iba pang mga kaganapan sa Congpound sa sunod na episode ng reality show sa ikalawang YouTube channel ni Viy.
Watch the full vlog here:
Step into the world of captivating fragrances with Ivy Cortez-Ragos as she explores Perfume House…
Hindi maitatanggi na malakas na impluwensya ng Viyline CEO and Founder na si Viy Cortez-Velasquez…
Masayang ipinagdiwang ng pamilya Cortez-Velasquez at ilan sa kanilang mga malalapit na kaibigan at mga…
To mark a stronger year ahead, Viyline Group of Companies announces its relocation to provide…
Matapos ang kanilang beach getaway, namasyal naman ang pamilya Velasquez-Gaspar sa Dinosaur Island sa Clark,…
It is truly an exciting year for the entire Cortez-Velasquez family as they continue to…
This website uses cookies.