“Wala na sa Congpound” Iyan ang titulo ng bagong YouTube vlog ng Team Payaman vlogger na si Kevin Hermosada, kung saan inamin nito ang katotohanan sa pag-alis nila sa Congpound ng asawang si Abigail Campañano-Hermosada.
Ayon sa content creator at Libre band frontman na si Kevin, hindi na sana nila gagawan ng vlog ang nasabing pag-alis dahil wala naman talagang issue sa paglipat nila ng bahay.
Napagdesisyunan ng mag-asawa na sagutin ang katanungan ng marami dahil sa isang nakakabahalang komento, kung saan nadamay ang kapwa nila Team Payaman vlogger na si Vien Iligan-Velasquez.
Paglilinaw ni Kevin at Abby, walang katotohanan ang kumakalat na usap-usapan na umalis sila sa Congpound dahil sa pang-iintriga ni Vien. Bagkus ay napaka-supportive anila ni Vien sa kanilang karera at maging sa kanilang buhay mag-asawa.
“Hindi na sana kami mag-eexplain kung walang mga ganon, kasi hindi naman deserve nung tao na ma-bash ng dahil don,” ani Abby.
At sa tanong kung “pinatalsik” nga ba sila sa Team Payaman, ito ang naging paliwanag ni Kevin:
“Alam niyo naman na hindi ganon ang Team Payaman. Kami mismo ni Abby yung nag-decide kung bakit kami umalis sa Congpound, pero hindi sa Team Payaman. May naganap na pag-uusap at naintindihan nila kami kung bakit kami aalis sa Congpound.”
Matapang din na inamin ni Kevin na isa sa mga dahilan kung bakit sila umalis ay ang budget o hatian sa bayarin sa Content Creator House.
“Mabigat talaga sa aming mag-asawa yung gastusin, hindi lang sa ambagan sa bahay kundi yung pang araw-araw namin ni Abby.”
Masaya namang ibinahagi ni Kevin na mayroon na silang sariling espasyo ni Abby upang mas ma-enjoy ang buhay mag-asawa at sumubok bumuo ng pamilya.
Ang nasabing bahay ay malapit din sa headquarters ng pastry business ni Abby na Ti Babi’s Kitchen.
“Dito namin bubuuin ni Abby ang aming mga pangarap bilang mag-asawa… Napakaliit pero sapat lang sa aming mag-asawa at kung madagdagan man ng isa ay ready na kami ni Abby,” dagdag pa ni Kevin.
Watch the full vlog below:
Sa isa na namang nakakatuwang content na hatid ng Team Payaman mom-and-son duo na sina …
Content Warning: This article includes mentions of mental health struggles and self-harm. Please proceed with…
Hindi napigilan ang excitement ng mag-asawang Junnie Boy at Vien Iligan-Velasquez ang kanilang tuwa nang…
Matapos ang nakaraang vlog kung saan muling ginampanan ni Yow Andrada ang karakter na si…
Muling ipinamalas ng ilang Team Payaman members ang kanilang galing sa paglalaro ng Pickleball nang…
Sa pinakabagong episode ng Cool Mom, muling pinahanga ni Viy Cortez-Velasquez ang manonood matapos niyang…
This website uses cookies.