Ang patuloy na pagtaas ng mainit na temperature sa bansa ang dahilan nang patuloy ring pagtaas ng bilang ng kaso ng mga nakakaranas ng heat stroke.
Habang ang kadalasang tinatamaan ng heat stroke ay mga matatandang 50-taong gulang pataas, pinaalalahanan pa rin ng doctor-vlogger na si Dr. Alvin Francisco ang publiko sa posibilidad na pati ang mga bata ay maaaring tamaan ng nasabing sakit.
Ayon sa Department of Health, ang bilang ng mga kaso ng heat stroke sa Pilipinas ay patuloy na tumataas dala ng matinding init ng panahon. Isa rin ito sa dahilan upang ikansela ang mga klase at sa halip ay mag-online class na lamang.
Matapos pumutok ang balita patungkol sa kaso ng heat stroke ng isang 8-anyos na batang nakaranas ng matinding pananakit ng ulo at kawalan ng malay, nagbahagi ng babala ang resident doctor ng Team Payaman patungkol dito.
Aniya, walang pinagkaiba ang mga sintomas na nararamdaman ng isang may stroke mapa-bata man o matanda, gaya ng pananakit ng ulo, paglalaway, at pagkalito.
Dagdag pa ni Doc Alvin, maaaring pagputok o pagkabara ng ugat ang isa sa mga dahilan ng pagkakaroon ng stroke ng isang tao, na makikita lamang sa tulong ng CT Scan at Magnetic Resonance Imaging (MRI).
Isa rin ang matinding init sa mga posibleng dahilan upang lumaganap ang heat stroke sa katawan ng isang tao.
Upang maiwasan ang heat stroke sa kabataan pati na rin sa mga matatanda, nagbahagi ng ilang payo si Doc Alvin sa kanyang mga manonood.
“Kailangan po mayroon tayong homeostasis o tamang temperatura ng katawan. Bawal sobrang lamig, bawal sobrang init,” bungad nito.
Dagdag pa nito na ugaliing maging mapagmasid sa mga pasyente, at patuloy na pag-inom ng tubig upang maiwasan ang dehydration.
Ibinahagi rin nito ang ilan sa mga senyales na dapat tandaan kung sakaling may kamag-anak o kakilalang tinamaan ng stroke.
“‘Yung F.A.S.T. Ang ibig sabihin po n’yan ay F = facial asymmetry, A = arms o panghihina ng kamay, S = speech, ‘pag hirap magsalita o nabubulol, kapag nakita n’yo po ‘yung F-A-S, T = time to go to the emergency room,” paliwang nito.
Watch the full vlog below:
Halfway through the year, and with the unpredictable weather, it’s best to be prepared with…
Masayang sinalubong ng mag-asawang Malupiton at Joy Ravanera ang pinakabagong parte ng kanilang pamilya. Tunghayan…
Cuteness overload ang hatid ni Kidlat sa kanyang Spidey-soccer training na ibinahagi ng Team Payaman…
Isang buwan matapos ang kaarawan ng panganay na anak nina Viy Cortez-Velasquez at Cong TV,…
Viy Cortez-Velasquez, Team Payaman’s very own "girl boss," is once again showing off fire style…
Sa simpleng sorpresa at sweet bonding moments, napasaya ng mag-asawang Junnie Boy at Vien Iligan-Velasquez…
This website uses cookies.