Cong TV Promotes Healthy Work Relationship in a Recent Wheelz on the South Vlog

Isa sa mga pinagkakaabalahan ngayon ng Team Payaman head na si Cong TV ay ang pagtutok sa araw-araw na operasyon ng negosyo nitong Wheelz on the South na matatagpuan sa Muntinlupa City.

Bukod sa pagnanais na ipakilala ang nasabing negosyo, isang aral ang mapupulot sa kanyang bagong top-trending vlog.

Healthy Employee-Employer Relationship

Inamin ng 31-anyos na vlogger at entrepreneur na isa ang negosyo nito sa dahilan kung bakit hindi na ito madalas nakakapag-upload ng mga vlogs.

Ang Wheelz on the South ay isang automotive dealership at car parts supplier na matatagpuan sa National Hwy, 1770 Muntinlupa, Philippines, Muntinlupa City.

Upang maipakita ang kahalagahan ng pagkakaroon ng magandang relasyon sa pagitan ng empleyado at amo, hatid ni Cong TV ang isang skit na naging usap-usapan ng mga manonood online. 

Kasama ni Cong sa nasabing vlog ang kapwa Team Payaman member na si Yow Andrada, na game na game na nakiisa sa kanyang plano.

Sa likod ng mapang-aping amo na persona nina Cong TV at Yow ay ang makabuluhang aral patungkol sa tamang pag-trato sa mga empleyado.

“Dapat tratuhin mo sila ng patas para maramdaman nila na parang parte sila ng pamilya, kasi hindi lang naman ‘to basta negosyo eh,” paliwanag ni Cong.

Touching Praises

Hindi naman napigilan ng mga manonood na ipahatid ang kanilang pagbati sa kabutihang ipinakita ni Cong TV bilang isang negosyante.

@brownsugar1064: “Saludo dun sa mga workers! Kaya kayo mahalin nyo mga workers ninyo! Kung wala sila wala rin kayo!”

@patrickjohnverzosa1650: “Minsan na lang lumabas si Kuya Yow sa vlog ni Mossing pero Material talaga ang ambag, salute [ako] sa way ni mossing to promote his business and relationship with his employees. Sarap siguro mag karoon ng amo na Cong TV!”

At syempre, hindi rin pinalagpas ng mga solid Chicken Feet Gang na purihin ang pangmalakasang one-shot drone clip sa nasabing vlog.

@brendanbernales7458: “The One Shot Drone Shot was PHENOMENAL!”

@Apps2002: “Ang bangis ng video editing. Salute to the editor and videographer. Power!”

Watch the full vlog below: