Viy Cortez Walks Down Memory Lane with Cong TV in New YouTube Segment

Inimbita ni Viy Cortez ang nobyong si Cong TV sa kauna-unahang episode ng kanyang bagong YouTube segment na pinamagatang “The Unboxing.”

Sa segment na ito, hatid ng Team Payaman power couple ang pangmalakasang throwback kwentuhan mula sa sari-saring “memory box” na kanilang binuksan at naglalaman ng iba’t ibang kagamitan na may kwento. 

The Unboxing of Memories

Siyam na kategorya ng mga kahon ang pinabuklat ni Viy kay Cong. Ang unang kahon ay tinawag na “Box of the Unboxers” kung saan naglalaman ito ng sari-saring kagamitang pangbukas ng kahon gaya ng gunting, kutsilyo, at iba pa. Pinili naman ni Cong ang bagong biling rolling cutter. 

Ang ikalawang kahon naman ay ang “Context Box” na naglalaman ng mga litrato gaya ng lumang bahay ng Velasquez Family at logo ng Air21 na nagpaalala sa Team Payaman headmaster ng mga karanasan n’ya sa dating bahay at sa unang trabaho.

Lubos naman ang pagpapasalamat ni Cong sa ilang lumang gamit sa ikatlong kahon na “Story Box.” Dito nakita n’ya muli ang lumang gamit na ginamit niya noong nagsisimula palang sa kanyang karera sa vlogging, gaya ng kurtina, iPad mini, at helmet sa lumang motor na si Warsak.

Ang huling kahon naman ay ang “Mystery Box” kung saan pinapili ni Viy si Cong kung kukunin nito ang laman ng kahon kapalit ang pagbabayad ng P15,000. 

“Mas maganda yung mystery ‘pag ‘di ko kinuha,” ani Cong bago niya tuluyang pagsisihan nang malaman ang laman nito.  

Isiniwalat naman sa bagong YouTube channel na Viy Cortez 2 na ang nilalaman ng nasabing Mystery Box ay isang tseke na may halagang P100,000.

Umani naman ng mga positibong reaksyon mula sa netizens ang bagong segment ni Viy at sinabing

pakiramdam nila ay nag-mature sila kasama ang mga idolo.

Abangan kung sino pa ang ibang magiging panauhin ni Viy Cortez sa mga susunod na episode ng The Unboxing.

Watch the full vlog here: