Dalawang taon matapos payagan ni Junnie Boy ang asawa nitong si Vien Iligan-Velasquez sa nais nitong sumailalim sa rhinoplasty procedure, ay tuluyan nang natupad ang pangarap ni Mommy Vien na mapatangos ang kanyang ilong.
Alamin ang naging proseso bago at matapos ang pinapangarap na Rhinoplasty Surgery ni Vien Iligan-Velasquez.
Sa kanyang bagong vlog, ibinahagi ng 27-anyos na Team Payaman vlogger ang mga tagpo sa likod ng kanyang nose job at chin augmentation procedures.
February 14 taong 2022, matatandaang matamis na “Oo” ang buong-pusong ibinigay ni Junnie Boy sa kanyang misis bilang Valentine’s Day gift. Ang nasabing “oo” ay ang pagpayag ni Junnie sa pangarap na beauty enhancement ng kanyang miss.
Bago pa sumalang sa operasyon ay hindi na maitago ni Vien at ni Junnie ang nararamdamang pagkasabik at kaba.
“Masaya ako kasi ito ‘yung gustong gusto kong gawin matagal na” kwento ni Vien.
Para naman kay Junnie: “Kinakabahan ako, pre. Feeling ko ‘yung pagka-ano [opera], para akong nambababae kasi iba na ‘yung hitsura [ni Vien].”
Bagamat kinakabahan, hindi pa rin ito nawala sa tabi ng kanyang misis at sinamahan ito sa lahat ng kanyang pagdadaanan bago at pagkatapos ng operasyon.
Matapos ang operasyon, hands-on daddy pa rin si Junnie sa kanyang asawa pagdating sa pagligo, at pag-alalay sa kanyang mga kailangang gawin.
Ibinahagi rin ni Vien na sa loob ng unang anim na araw ay tinitiis nitong hindi masyado kumain dala ng hirap sa pag nguya dahil sa kanyang chin implant.
Bagamat maga pa ang kanyang ilong, hindi napigilan ng mom-of-two na si Vien na ipasilip ang kanyang bagong ilong dalawang linggo matapos ang kanyang operasyon.
Laking pasasalamat nito dahil hindi naisip ng kanyang mga anak na sina Mavi at Viela na matakot sa kanyang post-operation look.
“Si Mavi, aware s’ya sa nangyari sa akin. Nahahawak-hawakan ko pa naman si Viela.”
“Ang tangos tangos ko! Ang tulis!” ani Vien.
Hindi rin napigilan na Vien na ibahagi ang saya matapos maisakatuparan ang matagal na nitong pinapangarap na patangusin ang kanyang ilong.
Nagbahagi naman ng ilang payo si Vien sa mga nagnanais na sumailalim sa rhinoplasty procedure.
“Sa mga magpapa-rhinoplasty d’yan, kailangan physically, mentally, and financially prepared ka kasi kailangan mo ‘yun lalo na ‘yung financially.”
Watch the full vlog below:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.