Higit isang taon matapos pormal na maging Mr. at Mrs. Hermosada, relate na relate ang netizens sa buhay na mag-asawa nina Kevin at Abigail Hermosada ng Team Payaman.
Balikan natin ang lima sa top trending husband and wife TikTok skits nina Kevin at Abby na talaga namang nagpatawa sa netizens, lalo na sa katulad nilang newly weds.
Pumalo ng 1 million TikTok views ang eksena nina Kevin at Abby kung saan nagkunwaring umuwi si misis sa kanyang pamilya upang magsumbong ng tila away mag-asawa.
Ngunit ikinagulat na lang nitong nauna na palang nakapagsumbong ang kanyang mister na tila dinadamayan na buong pamilya.
Relate much naman ang netizens at ibinahagi kung paano sila kinakampihan ng mga biyenan at kapatid ng kanilang asawa.
Mga mister, naranasan niyo na bang utusan ni misis kahit kaka-bwelo mo palang ng pahinga? Ganyan na ganyan ang inilarawan nina Kevin Hermosada at Abigail Hermosada sa isang TikTok entry na ngayon ay mayroon nang higit 761K views.
Ang ganitong klaseng eksena ay talaga namang nararanasan hindi lang ng mga mag-asawa, kundi pati na rin ng magkakapatid. Kahit anong paghahanda ang gawin, talagang sakto ang pag-uutos sa mga oras na hindi mo na gustong gumalaw.
Tungkol naman sa kusang pagtulong sa misis ang skit nina Kevin at Abby na umabot ng 383K views. Dito makikita ang pagsubok ni Kevin na tulungan ang misis sa paglalaba, subalit sermon lang ang inabot nito dahil tila pamali-mali ang kanyang ginagawa.
Tunay na kilig to the bones naman kapag acts of service ang love language n’yong mag-asawa. ‘Yung tipong kahit magkaaway, handa pa rin kayong pagsilbihan ang isa’t-isa kahit sa simpleng paraan.
Ito ang ipinamalas nina Kevin at Abby sa TikTok skit nilang umabot ng 113K views, kung saan kahit hindi nagpapansinan ay talagang bukal sa loob ang pag aasikaso nila sa isa’t isa.
Napasabak naman sa spoken poetry si Abby noong sinagot na naman siya ng “mamaya” ng asawang si Kevin matapos n’ya ito pakiusapan.
“Sa katunayan, kaka-mamaya mo, ‘yung mga hugasin at plato, e ‘yung mga aso na ang gumawa, ng dapat na ginawa mo,” bigkas ni Abby.
At dahil epektibo naman ang tula ni misis, ame na game ang netizens na gamitin din ito sa kanilang mga asawa.
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.