Bukod sa kanyang top-trending TikTok skits, inulan ng papuri ngayon ang Team Payaman member na si Kevin Hufana dahil sa pagpupursigi nitong makatapos ng pag-aaral sa edad na 31.
Alamin ang kwento sa likod ng mga hakbang na tinahak ni Kevin para sa kanyang edukasyon.
Bumida sa isang featured video ng Philippine Star ang Team Payaman member na si Kevin Hufana o mas kilala bilang “Keboy,” dala ang kwento ukol sa kanyang pagbabalik eskwela sa edad na 31.
“Iba po kasi ‘yung confidence eh, ‘pag meron kang degree,” bungad ng content creator na nagsisilbi ring executive assistant ni Cong TV.
Kwento ni Keboy, taong 2012 nang napilitan siyang tumigil sa pag-aaral upang magbanat ng buto at suportahan ang kanyang sarili. Nakatungtong si Keboy ng ikatlong taon sa kolehiyo sa kursong Civil Engineering.
Sa loob ng walong taon, pagiging call center agent ang bumuhay kay Kevin Hufana at sa kanyang mga mahal sa buhay.
Ngayong parte na siya ng pinaka malaki at pinaka sikat na vlogger group sa bansa, hindi nito pinalampas ang pagkakataon na muling makapag-aral at masungkit ang inaasam na bachelor’s degree.
“Kaya eto, nung dumating ‘yung chance na makapag-aral ulit, ginrab ko talaga,” dagdag nito.
Nang sumubok sina Team Payaman members Kevin Cancamo, a.k.a Geng Geng at Mau Anlacan na kumuha ng college enteance exam, sinabayan ito ni Keboy at mapalad na nakapasok sa kursong Communication and Media Studies sa San Beda College Alabang.
“Sobrang saya ko at ‘yung feeling na kahit na 31 na ‘ko, parang hindi rin s’ya ramdam na ang layo ng age gap.”
Hindi naman napigilan ng mga netizens na maantig sa kwento ng pag-asang hatid ni Kevin Hufana.
Maraming Team Payaman supporters ang nagpahatid ng kanilang pagbati kay Keboy dahil sa kanyang sipag at determinasyong makatapos ng pag-aaral.
JP Enriquez: “Kung anong ugat siya talaga madalas nagiging bunga. Si Cong ang ugat kaya ang gaganda ng mga naging bunga.”
Kimberly Anne Ebajo: “Nakaka inspire! Laban lang [para] sa pangarap.”
Jloh Lopez: “We are proud of you kuya Kevs, enjoy and continue your dreams in your life.”
Naghatid ng girlhood energy ang Team Payaman Girls sa kanilang TikTok entry serye mula sa…
Reklamo? Suhestiyon? Problema? Sagot na ‘yan ni Chino Liu sa kanyang bagong ‘Kags, Help!’ podcast…
Bilang selebrasyon ng ika-apat na buwan ng bunsong anak nina Cong TV at Viy Cortez-Velasquez…
Sa pinakabagong vlog ni Pat Velasquez-Gaspar, ibinahagi niya ang isang simple ngunit puno ng saya…
Bago pa man ang inaabangang rematch kontra sa Team Shooting Stars sa Star Magic All…
Naghatid ng good vibes ang Team Payaman next-gen vlogger na si Yiv Cortez sa kanyang…
This website uses cookies.