Isa ang pagbabalik sa sports na Taekwondo sa mga nais makamit ng Team Payaman vlogger na si Dudut Lang ngayong 2024.
Samahan si Jaime de Guzman, a.k.a Dudut Lang, sa mga hakbangin nito sa kanyang pagbabalik sa sparring mat.
Taekwondodot
Sa kanyang bagong vlog, ipinasilip ni Dudut Lang ang isa sa mga pinakamalaking agenda nito sa pagtungtong sa taong 2024.
Lingid sa kaalaman ng lahat na walong taon na ang nakakalipas nang huling naglaro ng Taekwondo ni Dudut Lang, dahilan upang naisin nitong masubukan muli ang paglalaro.
Sa tulong ng Mi Black Taekwondo Training Center at ni Coach Mon, naisakatuparan ni Dudut Lang ang page-ensayo at paghahanda para sa kanyang laban kontra ibang Taekwondo players noong December 3.
Ibinihagi nito na hirap ang kanyang katawan sa mga pag-eensayo sa ngayon kompara noong sya’y bata pa.
“Sa ngayon, sa totoo lang, hinihingal na ako. Pero naalala ko, ginagawa ko ‘to noon sa ganitong punto wala pa akong nararamdaman dahil bata eh,” kwento ni Dudut.
Ibinahagi ni Coach Mon na hindi madali ang ginagawang paghahanda ng kanyang mga players, ngunit sigurado ito na isa o dalawang linggo ay maiibsan na ang sakit ng katawang nararadaman ng mga ito.
“Mawawala ‘yung sakit n’ya. It takes one week or two weeks, tapos magiging normal na, tapos may magiging improvement,” aniya.
Matapos ang puspusang pagsasanay kasama ang ilang mga nakababatang Taekwondo players ay handa nang lumaban si Dudut sa isang mall sa General Trias sa Cavite.
Siyempre present din ang nobya ni Dudut na si Clouie Dims upang suportahan ito sa kanyang pagbabalik Taekwondo.
Sa hindi inaasahang pangyayari ay may sinapit na aksidente ang balikat ng Dudut sa gitna ng kanyang laban, na agad din naman nasolusyunan.
Bagamat may iniindang sakit ng katawan, hindi pa rin nito napigilan si Dudut sa pagsungkit ng medalya.
Chase Your Dreams
Bago matapos ang nasabing vlog ay may pabaong mensahe si Dudut Lang sa kanyang mga manonood na patuloy na nangangarap at nagnanais sumubok ng bagong bagay.
“Kaya pa naman pala eh. Medyo nakakatakot lang pero normal lang matakot, pero ‘yung sumuko at itigil medyo iwasan natin ‘yun. Laban lang, kaya pa ‘yan eh!” ani Dudut.
Kung kaya naman marami sa kanyang mga tagapanood ang nabuhayan at na-inspire sa kakaibang trip ni Dudut.
@sumalbagalleahcharity1282: “Sign na ata ulit to para bumalik ako [sa Taekwondo] iba talaga pag nasa training ground ka na or may nakikita kang nag training, bumabalik talaga yung hilig naten. Congratulations sayo, Dudut!
@francezkalelis5177: “NICE ONE DUDUT! Never talaga mawawala ang Taekwondo spirit. Props din sa mga coaches na nag train. Nakakamiss mag taekwondoooo!”
Watch the full vlog below:
