Three Times Cong TV Moved Netizens with Touching Social Media Posts for Kidlat

Lowkey man sa inyong paningin, nakakakilig pa rin! Yan ang tatak Cong TV, lalo na pagdating sa pag-flex sa anak nitong si Zeus Emmanuel Velasquez, a.k.a Kidlat.

Narito ang ilan sa mga pagkakataong naantig ang puso ng netizens sa “daddy appreciation posts” ni Cong para sa kanyang unico hijo.

Sweet Daddy Cong

Bukod sa kanyang mysterios at funny image, hindi maitatanggi na sweet din ang legendary YouTube vlogger na si Cong TV sa kanyang mag-inang sina Viy Cortez at Kidlat.

Una nang naantig ang netizens nang batiin ni Cong TV ang anak nitong si Kidlat sa kanyang first birthday nitong Hulyo sa isang Instagram post.

“x100,000 ang saya ng buhay lalo nung dumating [ka] at hindi namin namalayan na isang taon ka na agad. Sobrang bilis! Mahal na mahal ka ni dada! Happy birthday, anak! Stay funcham! Muah muah!” aniya.

Driving with Kidlat

Isa pang top-trending social media post ni Cong TV ay ang pamamasyal nila ni Kidlat sa loob ng subdivision na ibinahagi niya sa isang TikTok video.

“Antukin si Bebi sa hangin ng Sta. Rosa,” biro ni Daddy Cong.

Umabot ng higit 1.6 million likes ang nasabing TikTok video, habang ang shared post naman ng parehong video sa Instagram ay mayroong higit 3.7 million views. 

@thecongtv

antukin si bebi sa hangin ng sta.rosa…

♬ 711 by TONEEJAY Acoustic – TONEEJAY

Core memories with Kidlat

Kamakailan lang ay ipinasilip naman ni Daddy Cong ang ilan sa mga tagpo ng Pamilya Velasquez sa kanilang nagdaang Japan Trip.

“Hindi mo ‘to maaalala pero kami ng mama mo, habangbuhay ‘to dala,” ani Cong TV. 

Ang nasabing Instagram reel na mayroon ng higit 2.2 million views ay puno ng masasayang ala-ala nina Cong, Viy, at Kidlat habang nasa Japan. 

@thecongtv

Hindi mo to maalala pero kami ng mama mo habang buhay to dala. 😁

♬ original sound – Cong TV – Cong TV

Hindi napigilan ng netizens na maantig at ipahatid ang kanilang reaksyon sa mga nasabing social media posts ni Cong TV.

Unang una na sa mga kinikilig ay ang fiancé nitong si Viy Cortez na present sa comment section ng lahat ng nasaing post. 

Viy Cortez: “Mahal ko kayong dalawa, lahat gagawin ko para sa inyo. Kahit pa tumblingin n’yo ko, mag-ama sa skytower.”

Likes:
0 0
Views:
202
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *