Japan Part 2: Horror Story, Food Trip, and More by Pat Velasquez-Gaspar

Sagot muli ng Team Payaman member na si Pat Velasquez-Gaspar ang isa pang pasilip sa kanilang nagdaang Japan Trip.

Samahan ang biggest vlogger group sa ikalawang parte ng kanilang masayang Japan escapade bago sumabak sa pagpapasaya sa Team Payaman Fair.

Japan Part 2

Isinama ni Pat Velasquez-Gaspar ang kanyang mga manonood sa ikalawang parte ng kanyang 

Japan trip vlog.

Bago tuluyang mag-saya sa pamamasyal, isang makapanindig-balahibong karanasan ang ibinahagi ni Eve Marie Castro, a.k.a “Madam” – ang executive assistant nina Junnie Boy at Vien Iligan-Velasquez. 

Kwento nito, laking gulat niya nang may marinig na kakaibang tunog sa gitna ng tahimik na gabi sa kanilang tinutuluyan sa Japan. 

“Laking gulat ko kasi bigla na lang may umiiyak d’yan sa may tabi, eh wala naman kaming kasama nun!” kwento ni Madam.

Matapos ang kanilang nakakakilabot na kwentuhan, namasyal na ang Team Payaman kasama ang mga magulang ni Pat na sina Mama Revlon at Papa Shoutout.

Kasama si Baby Isla, nilibot nila ang Osaka Aquarium Kaiyukan upang makakita ng ilang aquatic animals.

Matapos ang mahabang araw ng pamamasyal, hindi nila pinalampas ang pagkakataon na masubukan ang ilang authentic Japanese dishes gaya ng Takoyaki at Shabu-Shabu.

The Next Day

Para sa kanilang ika-apat na araw sa Osaka, binisita naman ng Team Payaman ang sikat na tourist spot na Nara Park, o ang Deer Park ng Japan.

Labis na natuwa si Pat dahil sa kauna-unahang pagkakataon ay nasilayan na nito ang mga usa na aniya ay napanood lang niya sa TikTok. Kaya naman hindi nito pinalampas na masubukang magpakain ng mga usa sa Nara Park. 

Matapos mamasyal, dumaan muna sa mall ang grupo upang mamili ng mga kasuotang na angkop sa panahon ng Japan.

“Mga beshie, nakaltasan na naman tayo ng 8,000! Para sa aking ‘tong mga nabili ko,” kwento ni Pat.

 Watch the full vlog below: