Kamakailan lang ay naging usap-usapan sa social media ang latest vlog ng aktres na si Angelica Panganiban, kung saan ibinahagi nito ang kanyang sakit na Avascular Necrosis.
Upang mas matulungan maliwanagan sa nasabing kondisyon ang netizens, minabuti ni Doc Alvin Francisco na gumawa ng reaction video at nagbahagi ng kaalaman sa sakit ng aktres.
Base sa kwento ni Angelica Panganiban, nagsimula ang kanyang sakit nang makaramdam siya ng paulit-ulit na pananakit ng balakang. Nagsimula aniya ito nang ipagbuntis ng aktres ang kanyang panganay na anak na si Amila Sabine Homan, a.k.a Bean.
Matapos ipanganak si Bean ay nararanasan pa rin ito ni Angelica, kaya naman minabuti niyang magpatingin sa doktor. Dito na nila napag-alaman na mayroon siyang Avascular Necrosis o sa madaling salita ay bone death.
Dahil dito, kinailangan kuhaan ng dugo ang aktres at ipadaan sa Centrifuge upang paghiwa-hiwalayin ang components ng dugo gaya ng red blood cell, white blood cell, plasma, at platelets.
Ginawa ito upang mabigyan ng platelet-rich plasma (PRP) si Angelica na ayon kay Doc Alvin ay nakakatulong upang mapabilis ang recovery at muling buhayin ang kanyang buto.
Paliwanag ng YouTuber doctor, ang Avascular Necrosis ay pagkakaroon ng patay na buto sa katawan ng tao.
“Ang ibig sabihin ng Avascular ay walang blood vessel or walang blood supply. Necrosis ibig sabihin patay o tunaw. Walang blood supply, natunaw yung buto,” ani Doc Alvin Francisco.
Kadalasan aniya ay sa balakang tumatama ang Avascular Necrosis, ngunit maari rin itong mangyari sa iba pang bahagi ng buto.
Pangunahing dahilan aniya ng nasabing sakit ay ang labis na pag gamit ng steroids sa katawan.
“Hindi lang po steroids, pwede ring trauma. Dati ka sigurong na-aksidente tumama yung dito sa hips, hindi nakita na may depirensya na pala. Tumagal yung panahon, nawalan ng blood supply yung buto.”
Dagdag pa ng YouTuber doctor, ang labis na pag-inom ng alak ay maari ring maging sanhi ng Avascular Necrosis dahil nakakaapekto ito sa blood vessels.
Samantala, si Doc Alvin at ang negosyo nitong “Treat Me Pls Korean Fruit Milk” ay isa sa mga social media influencers at produktong aabangan sa Team Payaman Fair Holiday Paawer Up sa December 27-30, 2023 sa SMX Convention Center Manila.
Watch the full vlog below:
Isang kwelang hamon ang tinanggap ng Team Payaman moms na sina Viy Cortez-Velasquez, Pat Velasquez-Gaspar,…
Matapos ang kanilang huling release na “LASON” noong December 5, 2025, muling nagbalik ang Filipino…
Getting through school mornings can be challenging for both children and parents. Young learners often…
Hindi lang ang ganda ng dagat ang nasaksihan ng Team Payaman sa kanilang bakasyon sa…
Isang panibagong content na naman ang hatid ni Viy sa kanyang latest vlog kung saan…
Matapos ibida ang kanilang Taiwan travel diaries, sunod naman ipinasilip ng Team Payaman member na…
This website uses cookies.