Bumida sa isang makapag bagbag damdaming pelikula ang Team Payaman members na sina Kevin Hufana, Mau Anlacan, at Kevin Cancamo, a.k.a Geng-Geng.
Ang short film na pinamagatang “Taong Grasya” ay kalahok ng kanilang klase para sa Theology Month Short Film Festival ng San Beda College Alabang.
Dito ipinamalas nina Mau at Geng-Geng ang kanilang natatangging kakayahan sa pag-arte, habang lumutang naman ang galing sa pagsulat ng kwento ni Kevin Hufana.
Ang short film na Taong Grasya ay kwento ng isang palaboy na si Nardo na ginampanan ni Kevin Cancamo, a.k.a Geng-Geng. Lumaki sa bahay ang ampunan si Nardo at nangarap na balang araw ay may mabuting pamilyang kukupkop sa kanya at makakatulong na matupad ang kanyang mga pangarap sa buhay.
Kalaunan ay naging palaboy si Nardo, pero bukod sa panglilimos ay nakaugalian na nitong mamahagi ng Salita ng Diyos sa mga taong napapadaan sa simbahan.
Lingid sa kaalaman ni Nardo na ang mga kapirasong papel na ipinamimigay nito nakakapukaw ng damdamin ng iba’t-ibang taong may pinagdadaanan sa pang araw-araw.
Ngunit sinapit ni Nardo ang isang hindi inaasahang pangyayari na nagpa-antig sa puso ng mga manonood.
Samantala, isang makabuluhang papel din ang ginampanan ni Mau Anlacan na nagpakita ng kanyang kakaibang talento bukod sa pagsayaw.
Sa halos labing siyam na kalahok sa nasabing Short Film Festival ng San Beda College Alabang, nag-uwi ng iba’t-ibang parangal ang “Taong Grasya.”
Pinarangalan ang kanilang entry bilang “Best Poster” at “Best Trailer,” habang tinanghal naman na “Best Actor” ang bida ng Taong Grasya na si Geng-Geng.
“First film produced by our class but already acing it. Cheers to more films in the future with you, guys.Congrats, CMS-1A!” ani Kevin Hufana sa isang Facebook post.
Watch the short film below:
Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…
The VIYLine MSME Caravan is a great opportunity for local business owners to show their…
Matapos ang matagal na paghihintay, masayang ibinahagi ng Team Payaman power couple na sina Viy…
Sa bagong vlog ng social media star at aktres na si Alex Gonzaga-Morada, handog niya…
Let’s be real—summer fashion is a balancing act. You want to look cute, but you…
Maalala na binigyan ng Team Payaman vlogger na si Viy-Cortez Velasquez ng latest iPhone ang…
This website uses cookies.