Isang pang malakasang all-time favorite Pinoy merienda ang hatid ngayon ni Team Payaman vlogger Abigail Campañano-Hermosada para sa kanyang mga manonood.
Bukod sa mga pastries, pasta, at healthy snacks, sinubukan naman ni TiBabi’s Kitchen owner at baker na matutunan ang paggawa ng Ilocos Empanada. Nagtagumpay kaya si Abby sa kanyang misyon?
Habang nasa probinsya, minabuti ng misis ni Kevin Hermosada na mag-aral ng bagong merienda recipe na matagal na aniya nitong gustong matutunan.
Ayon kay Abby, excited siya dahil kadalasan lang silang bumibili ng Ilocos Empanada, pero ngayon ay gagawa siya nito from scratch. Sa tulong ni Nanay Josie ay mabilis natutunan ni Abby ang pagluluto ng nasabing merienda.
Unang inihanda nina Abby at Nanay Josie ang mga sahog na gagamitin sa paggawa ng empanada dough at mga ipapalaman dito.
Empanada dough:
Ingredients:
Sinimulan nila ang pagluluto sa pagpapakulo ng tubig na may food color at kaunting asin. Hinalo naman ni Abby ang rice powder sa malamig na tubig at saka isinalin sa pinakuluang tubig na may food color at asin.
Pagkatapos ay hinalo na nila ang malagkit na rice powder sa glutinous rice flour saka minasa ang gagamiting pambalot sa empanada.
“So ang purpose ng ating glutinous rice flour is parang binder. Siya yung nagba-bind altogether sa ating rice powder para mabuo siya,” paliwanag ni Abigail Campañano-Hermosada.
Para naman sa palaman ng empanada, hiniwa nila ng manipis ang repolyo, nag prito ng garlic longganisa, at pinakuluan ang monggo. Sunod na ginisa ang monggo sa bawang at pampalasa at saka hinalo sa ginayat na repolyo.
Pagkamasa sa empanada dough, nilagay na ang mga palaman gaya ng pinaghalong repolyo at ginisang monggo, garlic longganisa, at saka nilagyan ng hilaw na itlog bago balutin at iprito sa kumukulong mantika.
“Medyo mahirap pala siya sa part na ilalagay sa mantika, dapat pala doon tayo maging expert,” ani Abby.
Matapos ang ilang subok at na-perfect din ni Abby ang paggawa ng Ilocos Empanada.
“Pwede na ko maiwan dito, dito na ko mag business! Char!” biro ni Abby na agad namang tinutulan ng asawang si Kevin.
Watch the full vlog below:
Planning a trip to Baguio this week, but not sure what activities to try? Don’t…
Matapos gumawa ng chocolate cake para sa kanilang mga chikiting, muling nagharap aktres at singer…
Bukod sa pagiging aktres, dancer, at vlogger, isa rin ang pagiging hands-on mommy sa mga…
Trigger Warning: This article contains sensitive topics related to mental health that may trigger some…
Matapos ang matagal na pahinga sa pag-vlog, muling nagbabalik ang content creatorna si Jai Asuncion…
They say love comes when you least expect it—at the right time, with the right…
This website uses cookies.