Tinanghal na kampeon ng 30-Day Fitness Challenge ng Team Payaman ang editor-turned-vlogger na si Steve Wijayawickrama.
Sa pagtatapos ng finale ng “Medyo Hell Week” series sa YouTube channel ni Cong TV, ang Sri Lankan Team Payaman vlogger ang ginawaran ng nasabing parangal at nag-uwi ng tumataginting na isang milyong piso.
“Punong-puno tayo ng plot twist nitong mga nakaraang buwan at araw, at siyempre tatapusin pa rin natin ‘to sa plot twist,” bungad ni Cong TV.
At ang nasabing plot twist ay ang pagbibitaw ng 32-anyos na vlogger mula sa nasabing kompetisyon.
“Hindi na ako kasama sa mananalo ng 1 million pesos, dahil ngayong gabi ako ay bumababa sa posisyon ko bilang isang contestant at dine-demote ko (ang aking sarili) bilang isang host ng pa-ligang ito,” paliwanag ng Team Payaman founder.
Samantala, para sa huling pagkakataon ay sinubok naman ang talino ng bawat kalahok sa nasabing Fitness Challenge at tinanong tungkol sa kanilang naging karanasan sa nasabing hamon.
“Ano yung na-achieve ko (bukod sa pagganda ng katawan)? Yung mindset na meron ako. Dati takot akong mag all in sa mga bagay-bagay,” ani Steve Wijayawickrama.
Payo naman ni Boss Keng sa mga nais magsimula ng kanilang 30-Day Fitness Challenge: “Kung gusto niyo, gawin niyo. Kung ayaw niyo, ‘wag nyong gawin. Alam niyo kung bakit? Sino bang mawawalan, kayo rin.”
Kinilala bilang top 3 contender ng nasabing hamon sina Boss Keng, Dudut Lang at Steve. Ibig sabihin silang tatlo ang nagkaroon ng pinaka maganda o quality transformation sa loob ng tatlumpung araw.
Sa huli, tinanghal na kampeon si Steve na nakapagbawas ng higit 7.09 kilos mula sa dati nitong timbang na 79.5 kg.
Nang tanungin kung saan niya gagamitin ang napanalunang isang milyong piso, inamin ni Steve na ilalaan niya ito para sa pag-aaral ng kanyang nakababatang kapatid.
“Pag nanalo ako ng 1M, isa lang ang sasabihin ko talaga: Kristine, magiging doktor ka!”
Watch the full vlog below:
Team Payaman Fans, get ready for another exciting streetwear drop! Cong TV’s apparel brand, Team…
Isang nakakakilig na episode ang hatid ni Viy Cortez-Velasquez sa kanyang “Kusina Wars” vlog matapos…
Isang masayang food adventure ang hatid ni Mommy Viy Cortez-Velasquez kasama ang mga house angels…
Isang Cebu adVIENture ang hatid ni Vien Iligan-Velasquez matapos nilang dumayo sa nasabing probinsya upang…
For fans who have spent years watching their favorite Filipino content creators through vlogs, livestreams,…
Panibagong endorsement ang hatid ng Team Payaman PAAWER Couple na sina Cong TV at Viy…
This website uses cookies.