Bukod sa tumataginting na P1M, isang hindi mapapantayang premyo umano ang makukuha ng sinumang mananalo sa 30-Day Fitness Challenge ng Team Payaman na sinimulan noong Setyembre.
Ano naman kaya ang pang malakasang gantimpala ang naghihintay sa mga kumasa sa hamon ni Cong TV?
Sa bagong vlog ng content creator doctor na si Doc Alvin Francisco, ibinahagi nito ang ilang tagpo sa loob ng month-long fitness challenge ng Team Payaman.
Hindi rin nito pinalampas na makiisa sa pag-eehersisyo ng mga kaibigan sa Congpound gym.
“Actually lagi kong sinasabe kay Boss Cong na ang laking tulong nitong ginawa n’yang fitness challenge kasi ang dami n’yang viewers. So, ang galak ng puso ko kasi madami magbebenefit dito,” ani Doc Alvin.
Ayon pa kay Doc Alvin, malaking halaga ng pera ang maaaring matipid kung ang isang tao ay nagsisimula nang alagaan ang kanyang kalusugan habang bata pa.
“Kung magsisimula na tayo maging fit, isa na ‘yon sa mga ways para hindi ka magkaroon ng comorbidities,” paliwanag nito.
Isa aniya sa mga maiiwasang gastos ay ang pagbili ng mga mamahaling gamot at mga medical procedures na kakailanganin kung magkakasakit.
Nilinaw naman ni Doc Alvin na kung nais mong magsimula sa pag-eehersisyo, hindi kinakailangan na magsimula sa mabigat na workout.
“Ang nirerekomenda ng CDC ay at least 150 minutes of exercise every week. Move more, sit less,” aniya.
Bukod sa isang milyon, may mas malaking premyo pa ang maiuuwi ang mananalo sa Team Payaman Fitness Challenge.
Sa nasabing vlog, ibinunyag din ng Team Payaman founder na si Cong TV kung ano nga ba ang kalakip ng pagiging Fitness Challenge Winner.
“Siguro ‘yung pinakamahalaga rito is ‘yung disiplina. Kasi isa ‘yun sa bagay na magiging rason bakit ka magtutuloy-tuloy gawin. And ‘yung 1 million talaga parang ano lang ‘yan eh, parang motivation sa simula.”
Dagdag pa nito: “Eventually, sana masanay tayo [alagaan ang sarili] and maging routine na natin s’ya kasi diba it takes 21 days to build a habit.”
Watch the full vlog below:
Matapos ang matagal na pamamahinga sa pagkanta, balik-tugtugan na ulit ang banda ni Lincoln Velasquez,…
Naghatid ng good vibes at kilig online ang Team Payaman couple na sina Exekiel Christian…
Bukod sa swimming, gymnastics, at paglalaro ng beyblade, isa rin ang pagbisita sa Mavs’ Farm…
Concerts and fandom meetups are on the rise left and right. Are your collectibles ready?…
Hindi maitatanggi na labis ang pagmamahal ng mga netizens sa YouTube content creators na sina…
Maalalang nitong Marso ay dumalo ang Team Payaman Wild Dogs sa kauna-unahang ‘Talpukan Tournament’ ng…
This website uses cookies.