Bilang bagong brand ambassador ng KYMCO Philippines, sumabak sa pang malakasang photoshoot si Exekiel Christian Gaspar, a.k.a Boss Keng.
Sa kanyang bagong vlog, ibinahagi ng OG Team Payaman vlogger ang ilang kaganapan sa likod ng kanyang unang solo photoshoot bilang endorser ng nasabing motorcycle brand.
Kamakailan lang ay ibinahagi ni Boss Keng sa kanyang vlog na opisyal na siyang kinuha bilang brand ambassador ng KYMCO Philippines.
Ito ay matapos matuwa ang KYMCO management sa ginawawang pag surpresa ni Boss Keng ng bagong motorsiklo kanyang misis na si Pat Velasquez-Gaspar.
Pero sa kabila ng pagiging content creator sa mahabang panahon, inamin ni Boss Keng na hindi pa rin siya sanay sa mga photoshoot, lalo na kung solo lang siya.
“Sa mga hindi nakakaalam, sobrang nahihirapan ako sa mga photoshoot or pictorial kung tawagin, dahil hindi ko maiwasang matawa,” pag-amin ni Boss Keng.
Kaya naman, nagpasama ito sa kaibigan na si Albert upang turuan siya sa mga tamang posing at galawan habang nasa gitna ng pictorial.
Pagdating sa studio ay sumalang na si Boss Keng sa hair and makeup, kung saan inayusan siya ni Maria Love Gardie – isang batikang celebrity makeup artist na personal makeup artist din ng aktres na si Lovi Poe.
Matapos ayusan ay sumalang na sa kaliwa’t-kanang pictorial si Boss Keng kasama ang iba’t-ibang modelo ng motorsiklo mula sa KYMCO Philippines.
Habang sa gitna ng photoshoot, inamin ni Boss Keng na hindi siya eksperto pagdating sa pag project sa harap ng camera
“‘Di po kasi ako marunong magalit, kaya wala akong angas sa katawan. Ang meron po ako saya lang,” ani Boss Keng.
Sa huli ay ibinahagi naman ng batikang Team Payaman member ang mga napagtanto nito sa natanggap na biyaya.
“Naniniwala ako na ang buhay ay puno ng pagkakataon, kailangan mo lang maniwala para magtagumpay. Dahil walang bagay na hindi mo kakayanin kung talagang gusto mo.”
Watch the full vlog below:
Perfect Scent by Viyline aimed to redefine the industry of home essentials when it introduced…
Ilang araw bago ganapin ang Star Magic All Star Games, tampok sa vlog ni Cong…
Hindi lang basketball skills ang hatid nina Yow at Cong TV, kung hindi pati good…
Isang masaya at kwelang vlog collaboration ang hatid ni Viy Cortez-Velasquez sa kanyang bagong YouTube…
Naghatid ng girlhood energy ang Team Payaman Girls sa kanilang TikTok entry serye mula sa…
Reklamo? Suhestiyon? Problema? Sagot na ‘yan ni Chino Liu sa kanyang bagong ‘Kags, Help!’ podcast…
This website uses cookies.