Hindi pa man pumapasok ang buwan ng Oktubre ay katatakutan na ang hatid ng Team Payaman sa pagpapatuloy ng daily vlogs serye ni Cong TV.
Tunghayan ang nakakapanindig-balahibong kaganapan sa Congpound na talaga namang gigising sa inyong mga gabi.
Isang hindi kapani-paniwalang kwento mula sa editor-turned-vlogger na si Steve Wijayawickrama ang nagpakilabot sa Team Payaman boys.
Ibinahagi ni Cong TV sa kanyang bagong vlog ang engkwentro ng Sri Lankan Team Payaman vlogger upang mas maging maingat ang mga kasamahan sa Congpound.
“Tapos nandun ako sa pinto, kasi feeling ko ‘yun yung pinto eh, tas n’ung nandun kami, biglang gumanun [kumalabog] ‘yung pinto,” kwento ni Steve.
Upang mas maging kapani-paniwala, ipinasilip ni Steve ang footage ng kanyang nilulutong vlog kung saan tila may nagparamdam.
Hindi maipinta ang mukha ni Steve at ng kanyang videographer nang marinig ang hindi inaasahang ingay sa unang palapag ng kanilang gym.
Agad nilang sinundan ang tunog upang masilip kung may tao nga bang gumawa ng ingay habang sila ay abala sa pag-shoot ng vlog.
“May tao? Ah may tao!” pakiwari ni Steve.
Nang bumaba sila, laking gulat ng dalawa dahil walang bakas ng tao sa unang palapag ng kanilang bahay.
Isa rin si Cong TV sa nagsabing tila may kakaibang nagaganap sa kanilang gym house dahil sa kanyang naranasan.
“Kaya pala pag nagwo-work out ako ano, parang ang bigat ng binubuhat ko,” biro nito.
Dagdag naman ni Boss Keng: “Eh mabigat naman talaga binubuhat mo eh!”
Suspetya ng mga ito, walang katao-tao sa nasabing bahay kaya pinamahayan na ito ng mga hindi inaasahang bisita.
Buong tapang na sinilip TP Wild Dogs ang gym at muling isinagawa ni Steve ang katakot-takot na pangyayari habang sila ay nagva-vlog.
Maya-maya pa ay nagbihis multo si Dexty na s’yang umaktong kaibigang multo ng Team Payaman sa Congpound.
“Kaya ka namin sinama dito para masabihan mong umalis na lang dito kasi dami nang gumagamit n’ung bahay,” pakiusap ni Cong TV.
Watch the full vlog below:
Sa pinakabagong episode ng Dudut’s Kitchen, isang kakaibang cooking challenge ang inihanda ng resident cook…
Balik-bata vibes ang hatid ng bagong vlog ni Yow Andrada kasama ang kapwa Team Payaman…
Road to a healthier lifestyle ang motto ng mag-asawang Junnie Boy at Vien Iligan-Velasquez matapos…
Isa ngayon ang pagfu-foodtrip ang hatid ng Team Payaman vlogger na si Clouie Dims kasama…
Matapos ang Vietnam adVIENture ng Team Payaman momma na si Vien Iligan-Velasquez, isang bonggang shopping…
VIY-gger energy filled the Mall Atrium of SM City Fairview as the sixth leg of…
This website uses cookies.