Palaki na nang palaki ang Team Payaman Moto Club matapos opisyal na tanggapin sa grupo ang kauna-unahan nilang “Lady Rider” na si Viy Cortez.
Pero bukod kay Viviys, panibagong lady rider ang makakasama ng tropa matapos ang surpresang hatid ng kanyang mahal na asawa.
Sa bagong vlog ni Boss Keng, isinama nito ang mga manonood sa kanyang pakay na bilhan ng sariling motorsiklo ang asawa nitong si Pat Velasquez-Gaspar.
Napagisipan ni Boss Keng na bilhan din ang kanyang misis ng kanyang motor upang hindi ito mahuli sa bagong kinahihiligan ng Team Payaman girls na sinai Viy Cortez at Vien Iligan-Velasquez.
Patagong naghanap si Boss Keng ng bagong motor upang hindi nito mabuko ang surpresang inihanda para sa kanyang lady rider.
“This is my surprise gift for you for being a good mom! I love you and our baby!” ani Boss Keng.
Ninanais ni Boss Keng na mabilhan ang kanyang misis ng mga kakaibang disenyo ng motor kaya naman medyo nahirapan itong maghanap ng babagay kay Pat.
Ibinida kay Boss Keng ang Mini AK550 na hindi nalalayo sa disenyo ng kanyang motorsiklo. Laking tuwa nito nang makita kung gaano kaganda ang motor na napupusuan para sa asawa.
Dumeretso na agad si Boss Keng sa kanilang kwarto upang ihatid ang surpresa nito kay Pat.
“Nako, kinakabahan ako sa mga sabi-sabi na ‘yan! Ayoko ng ganyan” ani Pat.
Abot tenga na agad ang ngiti ni Pat nang marinig na mayroong munting regalo ang kanyang mister.
Ilang sandali pa ay lumabas na ng bahay si Pat habang inaalalayan ng mga kasamahan sa Congpound. Pagdilat ng mga mata ay nanatiling “speechless” si Pat nang personal na nasilayan ang kanyang bagong motorsiklo.
“Kakapanganak ko pa lang pero niregaluhan na ako ng motor!” biro ni Pat.
Matapos makuha ang regalo, agad ding ibinalita ni Boss Keng kay Viy ang kanyang surpresa.
“Viviys, nagmomotor ka na ‘di ba? May regalo ako sa’yo!” ani Boss Keng.
Sagot naman ni Viy: “Ano regalo mo, motor?”
Laking gulat nito nang makita ang kaibigang si Pat suot ang full gear at gamit ang bagong motorsiklo.
“Hindi kita nakilala!” natutuwang reaksyon ni Viy.
Opisyal na ring tinanggap ng TP Moto Club ang lahat ng mga bagong lady rider ng grupo na sina Viy, Vien, at Pat sa pamamagitan ng kanilang legendary welcoming ritual na pinamunuan ni Cong TV.
Watch the full vlog below:
Hindi maitago ang pagkatuwa ng Team Payaman power couple na sina Vien Iligan-Velasquez at Marlon…
Muling pinatunayan ng resident baker ng Team Payaman na si Abigail Campañano-Hermosada ang kanyang galing…
Isang super relaxing na 'SPAdventure' ang ibinahagi ni Clouie Dims sa kanyang pinakabagong YouTube…
Isang bagong pasilidad para sa mga mahihilig sa pickleball ang binuo ng Team Payaman vlogger…
Isang nakakaantig na pangyayari ang ibinahagi ng Team Payaman vlogger na si Cong TV sa…
Wala na namang mapaglagyan ng gigil ang mga netizens sa overload cuteness na hatid ng…
This website uses cookies.