Sa pagpapagtuloy ng Japan vlog series ni Steve Wijayawickrama, isang kakaibang survey ang naisipan nitong gawin habang nasa ibang bansa.
Tinanong ng Sri Lankan vlogger ang pulso ng Japan kung sino ba ang pinaka-gwapon at pinaka magandang miyembro ng Team Payaman.
Sino kaya ang hinirang na “Most Handsome and Most Beautiful Team Payaman Member” sa Japan?
Habang namamasyal sa Shibuya, naisipan ni Steve Wijayawickrama na tanungin ang ilang kababaihan at kalalakihan kung sino ba ang pinaka gwapo sa Team Payaman.
Isa-isang nilapitan ni Steve at ng kanyang kaibigan na si Joshua ang ilang nakakasalubong sa daan at ipinakita ang mga larawan ng OG Team Payaman vloggers na sina Cong TV, Junnie Boy, at Boss Keng.
“I will show you a picture, there are 3 famous people in here; pick the most handsome one,” ani Joshua sa isang Japanese girl.
Sa una ay tila nahirapan pang mamili ang dilag, ngunit sa huli ay ibinigay nito ang kanyang boto kay Team Payaman founder, Cong TV. Karamihan sa mga tinanong nila ay bumoto kay Cong TV.
Bukod sa Team Payaman boys, ipinakita rin nila Steve at Joshua ang larawan ng mga misis ng tatlong OG TP boys na sina Viy Cortez, Vien Iligan-Velasquez, at Pat Velasquez-Gaspar.
Tinanong din nila ang mga ito kung sino sa tingin nila ang pinaka maganda sa tatlong Team Payaman mommies.
Iba-iba ang naging pulso ng madlang Japan at tila nahirapan mamili kina Viy, Vien, at Pat. Ayon pa sa isa, lahat sila ay maganda kaya hindi naging madali ang kanilang pagboto.
Sa huli ay lumamang sa botohan ang YouTube power couple na sina Cong TV at Viy Cortez, kaya naman hiningan ito ng mensahe ni Steve.
“Arigato sa inyong tanan, sa mga nagboto sa akin dyan sa Japan! Maraming salamat sa inyo, hindi ko alam anong nakita nyo sa akin,” ani Cong TV.
“Thank you so much, guys! Pero sa mga nanonood, ‘wag na ho kayon g magsalita dyan ng mga masasamang comment, alam ko hong ito ay kalokohan lamang. So ‘wag tayo masyadong nagpapaniwala, hindi lalaki ang ulo ko dito! Pero itatabi ko ‘to sa kama!” biro naman ni Viy Cortez.
Watch the full vlog below:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.