Ang bilis talaga ng panahon dahil road to big school na ang panganay nina Vien Iligan-Velasquez at Junnie Boy na si Von Maverick, a.k.a Mavi.
Sinama ni Mommy Vien ang kanyang mga manonood sa mga naging paghahanda ng Team Iligan-Velasquez sa paglilipat eskwelahan ni Mavi.
Entrance Interview
Sa bagong vlog ni Vien, ibinahagi ng mom-of-two ang excitement nito sa entrance interview ni Kuya Mavi sa kanyang bagong eskwelahan. Ayon dito, gabi pa lang ay nag-ensayo na silang mag-ina ng kanilang question and answer portion.
Hands on at present ang mag-asawang Junnie at Vien sa orientation day ni Mavi at personal pang inihatid ang kanilang panganay sa eskwelahan.
Isa rin sa mga ikinatuwa ng mag-asawa ay ang lapit ng bagong school ni Mavi sa kanilang bahay sa Congpound, dahilan upang mas maging madali ang paghatid-sundo rito.
“‘Di ka na mata-traffic! Lalabas ka lang, nandyan na tayo!” biro ni Junnie.
Pagdating ay agad na sumalang si Mavi sa entrance interview at unang araw ng kanyang trial class.
Laking tuwa naman ni Mommy Vien nang malamang nakapasa sa unang assessment ang kanyang Kuya Mavi.
“Congrats kay Kuya Mavs kasi nakapasa s’ya ng Junior Advanced Exam!”
New School, New Stuff
Paguwi ng Congpound, hindi na magkamayaw si Mommy Vien sa paghahanda ng mga gagamitin ni Mavi para sa kanyang 3-day trial class.
“Mommy, nasan ba ‘yung uniform ko?” tanong ni Mavi.
Ani Vien, pagkapasa pa lang ni Mavi ay agad na nila itong in-enroll sa nasabing eskwelahan at binili na rin nila ito ng mga school supplies.
Magkasamang inayos nina Mommy Vien at Kuya Mavi ang gagamitin nitong bag para sa kanyang ikalawang araw sa paaralan.
Bukod sa kanyang gamit, inihanda na rin ni Mommy Vien ang susuotin ni Mavi mula sa kanyang damit hanggang sa kanyang sapatos.
Watch the full vlog below:
