Kamakailan lang ay lumipad ang ilang Team Payaman members patungong Japan. Bukod sa trabaho ay nakipagkita rin ang mga ito sa kanilang bossing Cong TV.
Sa pangalawang pagkakataon, muling nabisita ni Steve Wijayawickrama ang Japan matapos ang bakasyon nito noong nakaraang taon.
Sa bagong vlog ni Steve, isinama nito ang mga manonood sa kanilang mabilisang biyahe patungong Japan.
“Today, we were able to go to Japan again, but this time, with Team Payaman!” ani Steve.
Alas-onse pa lang ng gabi ay umalis na sa Congpound sina Steve, Boss Keng, Junnie Boy, at, Dudut Lang para maka-abot sa kanilang 2 AM flight.
Pagsakay ng eroplano, agad na hinirang bilang “Able-Bodied Passenger” o ABP si Steve, dahilan upang maupo ito sa tabi ng emergency exit ng eroplano.
Laking pasasalamat ni Steve sa tiwala ng nasabing airlines upang mapanatili ng kaligtisan ng mga pasahero sa eroplano.
Hindi pa man nagtatagal ay punong-puno na ng adventures ang Japan trip ng Team Payaman matapos subukan ang reputasyon ng Japan bilang isang ligtas na lugar.
Ayon kay Steve, sinadya niyang iwan ang kanyang cellphone upang masubukan kung talagang 0% ang crime rate sa nasabing bansa.
“Umakting na ako para maniwala sila sa akin na nawawala nga ‘yung cellphone ko.” aniya.
Laking tuwa at gulat ni Steve nang ibalik ng front desk ng airport ang kanyang telepono.
“Grabe! The test has come to an end! Japan is the safest country in the whole world!” pagmamalaki ni Steve.
Sunod na nagkita-kita ang Team Payaman Wild Dog at sabay-sabay nananghalian. Matapos kumain ay naisipan nilang magpahinga, ngunit bigo si Steve dahil sa lakas ng hilik ni Dudut.
Kaya naisipan na lang nitong mamasyal kasama ang kapwa editors na sina Eph Abarca at Carlo Santos at namili sa kilalang general merchandise store sa Japan na Don Quijote.
“Everything you need in life, mahahanap mo sa Don Quijote!” ani Steve.
Naisipan din ni Steve na bumili ng isang bagay para sa kanyang roommate na si Dudut Lang.
“Binilhan kita pre. ‘Di ko rin maintindihan ‘yung letters eh. Pero pag tinignan mo ‘tong babae sa baba…”
Sagot naman ni Dudut: “Mahimbing tulog n’ya!”
“Para daw hindi humilik pre!” dagdag ni Steve.
Watch full video below:
Christmas and New Year, known as the season of giving, inspire many to search for…
As the New Year approaches, many Filipino families are seeking unique ways to make…
Matapos ang apat na taon, oras na para tuparin ni Ninong Ry ang kanyang pangako…
Para sa ikatlong episode ng ‘Tsuper Dad’ serye ni Marlon Velasquez Jr., a.k.a Junnie Boy,…
Sa nakaraang Christmas Party ng Team Payaman, hindi lang basta salu-salo ang naganap, nagkaroon din…
Isang kwela at full-of-adventure vlog ang hatid nina Viy Cortez-Velasquez at mister niyang si Lincoln…
This website uses cookies.