Solo Team Payaman girl ang peg ni Vien Iligan-Velasquez matapos sumama sa lakad ng Team Payaman Moto Club sa Tuguegarao City sa Cagayan.
Bumiyahe ang grupo ng higit limang daang kilometro upang makisaya sa isang music festival sa SM City Tuguegarao.
Masayang ibinahagi ni Vien sa kanyang bagong vlog ang paglalakbay nito patungong Tuguegarao City kasama ang Team Payaman Moto Club.
Pero imbes na umangkas sa motor ng kanyang mister na si Junnie Boy, bumiyahe sakay ng eroplano si Mrs. Velasquez.
“Naki saling ket-ket ako sa Team Payaman!” biro ni Vien.
“Meron silang trip, pero nag-motor sila. Pero ako naman po is sumakay ng eroplano,” dagdag pa nito.
Kwento ni Vien, higit dalawampung oras na biyahe sakay ng motor ang tinahak ng TP boys mula Maynila hanggang Tuguegarao City.
Pagdating sa nasabing music festival ay masayang pinaunlakan ng buong tropa ang ilang fans ng selfie at autograph signing.
Dito rin nagpa-sample ng live “Boy, meron akong kwento” joke si Junnie Boy.
“Walang sisihan pag di kayo natawa ha?” biro ni Cong TV sa mga manonood.
Kinabukasan ay nag trail ride naman sa Tuguegarao ang TP Moto Club gamit ang kani-kailang motorsiklo kasama si Vien.
Bagamat nakakapagod ang nasabing trip ay labis-labis naman ang pasasalamat ni Vien Iligan-Velasquez sa mainit na pag tanggap sa kanila ng mga tao sa Tuguegarao City.
“Thank you so much nga pala sa organizer dahil grabe, sinamahan talaga nila kami sa lahat ng trip na ginawa namin kahapon dito sa Tuguegarao,” ani Vien.
“And maraming maraming salamat sa Tuguegarao City kahit saling ket-ket ako!” dagdag pa nito.
Dahil talaga namang na-enjoy ni Mommy Vien ang nasabing adventure, sinubukan nitong yayain ang mister sa iba pang long-ride at iminungkahi na pumunta ng Sagada.
Saan nga kaya ang susunod na biyahe ng Team Payaman Moto Club?
Watch the full vlog below:
Isang nakakatuwang balita ang hatid ng Team Payaman content creator na si Yow Andrada sa…
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
This website uses cookies.