Pumalo na sa higit 4.2 million views sa Facebook ang video ni Jose Guanzon, na gumawa ng isang
customized helmet para sa Team Payaman Headmaster na si Cong TV.
Alamin ang istorya sa likod ng kakaibang disenyo ng helmet ng Team Payaman Moto Club Chairman. Ano nga ba ang inspirasyon sa likod nito?
“Hindi tumitingin si Cong TV sa presyo kung hindi sa design. Gusto n’ya lagi s’yang naiiba at unique!” bungad ni Jose Guanzon, isang video creator sa social media.
Ayon kay Jose, naisipan nitong gawan ng kakaibang disenyo ng helmet si Cong TV dahil sa personalidad nito na mahilig sa kakaibang disenyo ng mga bagay-bagay.
Dagdag pa ng nasabing content creator, isa sa mga rason kung bakit nais niyang gawan ng personalized helmet si Cong dahil napansin niyang halos pare-pareho ang disenyo ng helmet ng bawat miyembro ng TP Moto Club.
“Ang goal natin sa vlog na ‘to ay matapos ang customized helmet at maibigay kay Boss Cong upang malaman kung ma-appreciate n’ya ito kahit mas mura lang kumpara sa helmet n’ya ngayon,” aniya.
Unang naghanap ng mura ngunit kalidad na helmet si Jose Guanzon. Napagdesisyunan nitong bilhin ang LS2 na brand ng helmet, na mas mura kaysa sa Shoei Helmet ni Cong TV.
Nakipag tulungan naman si Jose Guanzon kay Guhit Jes, isang kilalang artist sa social media sa pagdidisensyo at pagguhit ng mga elemento para sa nasabing helmet.
Ipinasilip ng mga ito ang naging proseso sa pagdidisenyo ng bagong helmet magmula sa pagliliha, pagpipintura, at pagguhit.
Unang ginuhit ni Jes ang mukha ng fiancé ni Cong TV na si Viy Cortez at saka sinundan ng pagguhit ng mukha ng anak nitong si Kidlat.
Matapos ang ilang sandali ay sinimulan na rin nito ang pagpinta ng kanyang mga ginuhit upang bigyang kulay ang helmet ni Cong TV.
Laking tuwa ng mga ito nang makita na ang finish product ng personalized helmet ni Cong TV.
“Ang gandaaaa!” reaksyon ng ilang solid Team Payaman fans.
Hindi rin pinalampas ng vlogger na ipakita ang buong disenyo ng pinaghirapang customized helmet para sa iniidolong si Cong TV.
Nais ni Jose Guanzon na personal na maibigay kay Cong TV ang kanilang pinaghirapang customized helmet upang personal ring makita ang reaksyon nito.
Ano ang hatol n’yo mga kapitbahay?
Watch the full video below:
Hindi lang busog ang tiyan kundi busog din sa rebelasyon ang mga manonood matapos…
Summer is all about sunshine, road trips, beach days, and food adventures — but finding…
Isang legendary vlog ang hatid ng Team Payaman Wild Dogs, Y Kulba, at Team Harabas…
Cong TV’s clothing brand, known as ‘Team PYMN,’ officially added two more designs to its…
Isang hindi inaasahang pagsasama-sama ng iba’t ibang personalidad ang mapapanood sa bagong episode ng vlog…
Get ready to serve, smash, and score at the highly anticipated Playhouse Pickleball Tournament happening…
This website uses cookies.