One of the boys ang peg kamakailan lang ni Team Payaman vlogger Vien Iligan-Velasquez matapos sumama sa Pangasinan ride ng Team Payaman Moto Club.
Sa kanyang bagong vlog, ibinahagi ng 26-anyos na vlogger ang naging karanasan sa unang beses na pagsama sa long ride ng kanyang asawang si Junnie Boy.
Ala una pa lang ng madaling araw ay naghanda na si Mommy Vien para sa isang mahaba-habang biyahe kasama ang mister.
Ayon kay Vien, siya mismo ang nagyaya kay Junnie na pumasyal gamit ang bagong motorsiklo nito.
“Nagyakag talaga ako kay Daddy. Sabi ko sa kanya ‘dalhin mo naman ako sa hindi mo napupuntahan, hindi yung sa napupuntahan mo na lagi,” ani Vien.
Kwento niya, noong una ay plano nila na silang dalawa lang ang mag-biyahe, ngunit niyaya na rin ni Junnie ang iba pang kasamahan sa Team Payaman Moto Club.
Suot ang kanilang complete riding gears ay tinahak na ng grupo ang kanilang destinasyon. Target nila makapagsimba sa The Minor Basilica of Our Lady of the Rosary of Manaoag sa Pangasinan.
Pagdating sa nasabing simbahan ay kanya kanyang dasal ang grupo at nag tirik din ng kandila para sa kanilang mga intensyon.
Samantala, humingi naman ng dispensa si Vien Iligan-Velasquez sa mga hindi nila napagbigyan na magpa-picture habang nasa simbahan.
“Dahil talaga pong nahihiya kami dahil agaw atensyon sa mga nagdadasal. Gusto talaga namin pumunta doon para magdasal, humingi ng pasalamat,” ani Vien.
Dagdag naman ni Junnie Boy: “Hindi naman kami tumatanggi sa mga normal na ano (picture), pero kapag ganon picture-an kay Jesus o di kaya kumakain, medyo tumatanggi talaga kasi nakakahiya siya.”
“Mahal na mahal namin kayo, pasensya na talaga,” pahabol ni Vien.
Bago umuwi ay tiniyak ng grupo na makabili ng munting pasalubong para sa kanilang mga kasamahan sa Congpound.
Watch the full vlog below:
Isang kwelang vlog collab ang hatid ng trio nina Viy Cortez-Velasquez, Zeinab Harake-Parks, at Ivana…
Dahil sa inaasahang epekto ng Super El Niño sa Pilipinas, mahalagang maging maingat sa ating…
Hindi natatapos sa paglaya ang mga hamon sa buhay ng mga dating bilanggo, dahil patuloy…
What if one ticket could bring you closer to your favorite influencers, introduce you to…
Sa halip na pasalubong mula sa Japan, isang kwela at nakakaaliw na epic fail story…
Muling naghatid ng bagong musika ang Filipino rap-rock at metal band na COLN sa pamamagitan…
This website uses cookies.