Sinurpresa ng ilang miyembro ng Team Payaman si Aaron Macacua, a.k.a Burong, sa isang “Marites-themed party” para sa kanyang kaarawan.
Sa kanyang bagong vlog, ipinasilip ni Clouie Dims ang naging pagdiriwang ng kaarawan ng Burong sa Content Creator House.
Ayon sa housemate at kapwa vlogger ni Burong na si Clouie Dims, naisipan ng fiance ni Burong ang kakaibang tema ng party dahil chismoso diumano ang celebrant.
“Dahil chismoso yung may birthday, ayun na yung theme talaga. Si Aki na nag-isip, ‘The Chismosa Theme Birthday’,” ani Clouie.
Bagamat walang inihandang party games, kailangan magbihis ng daster ang mga kalalakihan sa Content Creator House. Kabilang sa mga nakiisa sa “Chismosa Birthday Party” ni Burong ay sina Steve Wijayawickrama, Kevin Hermosada, Dudut Lang, Cyril Factor, at Joshua Maypa.
Pagdating ng birthday boy ay nagpakita ng biglaang dance number ang mga “kumars” ni Burong.
Kinantahan din ng grupo si Burong at saka nagsalo-salo sa isang masarap na kainan.
“Birthday na ni Mare, Birthday na ni Mare! Birthday, ni mare, ngayon! Get get aw!” kanta ng grupo.
Ikinatuwa naman ni Burong ang munting surpresa ng kanyang mga kasamahan sa bahay.
“Maraming maraming salamat mga mars! Sa mga nagpunta sa aking birthday, tinupad nyo ang aking kahilingan,” ani Burong.
“Ang wish ko sa mundo ay sana ay dumami pa tayo,” biro pa nito.
Matapos ang selebrasyon ay tila enjoy na enjoy pa rin ni Dudut ang pagsusuot ng daster at hindi agad ito hinubad.
“Wow! Parang housewife!” biro ni Clouie sa kanyang nobyo.
Nang tanungin ni Clouie kung ano ang pakiramdam nito sa kanyang OOTD, inamin ni Dudut na kumportable itong suotin.
“Malamig, presko, tapos parang ang sexy ko!” biro ni Dudut.
Dagdag naman ni Kevin: “Ang sarap kasi sa pakiramdam, ganun pala yung pakiramdam nyo!”
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.