Vien Iligan-Velasquez Proudly Shares Glimpse of Newly-Renovated House for Parents

Isa sa mga pinakamasayang pakiramdam para sa isang anak ay ang masuklian lahat ng pagmamahal, sakripisyo, at paghihirap ng mga magulang. 

Kaya naman proud na ibinahagi ni Vien Iligan-Velasquez sa kanyang mga manonood ang munting bahay na naipundar nito para sa kanyang mga magulang at mga kapatid. 

Sa isang mini-vlog sa TikTok, ipinasilip ng 26-anyos na vlogger ang kinalabasan ng pagpapaayos nito ng kanilang bahay sa Cavite. 

Forever Home

Ayon kay Vien, makalipas ang halos walong buwan ay patapos na rin ang renovation at construction ng kanilang bahay. Ito ang kinagisnang tahanan ni Vien kasama ang kanyang mga kapatid. 

“Hindi ko inexpect na ganito yung magiging itsura ng bahay namin, hindi ako makapaniwalang bahay namin yan,” ani Vien. 

Ipinasilip nito sa netizens ang day and night view ng kanilang modern minimalist house na mayroong tatlong palapag. Pagpasok sa unang palapag ay makikita ang kanilang living room, dining area, at kitchen. 

Ayon kay Vien ang sala ang pinaka paborito nyang parte ng bahay kung saan naka-display ang graduation pictures nilang magkakapatid pati na rin ng kanilang mga magulang. 

“Ipapa-restore din namin yung nga grad pics nila mama para magkakaparehas din kami ng frames,” pagbabahagi ni Vien. 

Ang ikalawa at ikatlong palapag naman ng bahay ng pamilya nina Vien ay mayroon balcony kung saan plano daw nilang tumambay at magsalo-salo.

Ibinahagi rin ng misis ni Junnie Boy na magkakaroon sila ng house blessing sa darating na July 11, kasabay ng kaarawan ng isa sa kanyang mga kuya.

Gastos Reveal

Samantala, sinagot din ni Vien Iligan-Velasquez ang tanong ng netizens kung sino ba ang gumastos sa pagpapaayos ng nasabing bahay. 

Paliwanag ng tatay ni Vien, tinulungan din nila ang anak sa ibang gastusin upang makumpleto ang mga gamit sa bahay.

“Yung construction ng bahay sa iyo, yung mga add ons ng mga tangke, mga lutuan, sa amin na yon,” ayon sa ama nito.

Pero dagdag ni Vien, lahat silang magkakapatid ay may sari-sariling kwarto sa nasabing bahay.

“Lahat yon para sa amin,” ani Vien. 

Watch the full vlog below: