Nagbabalik si Boss Keng para maghiganti sa asawa at kapwa vlogger nitong si Pat Velasquez-Gaspar.
Matatandaang sa huling vlog ni Boss Keng ay tila nag-alala ito matapos siyang tanungin ni Pat kung siguardo bang siya ang ama ng ipinagbubuntis nito.
Dahil ito ay ikinasa ng batikang Team Payaman vlogger ang isang misyon upang bawiin ni Mrs. Gaspar ang mga paratang na bumagabag sa kanyang isip.
“Sasabihin nyo hindi ako ang ama? Eh ako ang nagpakahirap dyan!” ani Boss Keng sa kanyang mga manonood.
Upang bawiin ni Pat ang mga pagbabanta nito na “what if” hindi si Boss Keng ang tunay na ama ni Baby Isla, sinubukan nyang suhulan ito ng malaking halaga.
“Pag binawi niya yung mga ‘what if, what if’ niya, bibigyan ko siya ng P500,000!” natatawang sambit ni Boss Keng.
“Gusto kong makita sa mukha niya ang panghihinayang para sa P500,000 na ‘to!” dagdag pa nito.
Pero hindi pa rin nagpatinag si Mrs. Gaspar at imbes na bawiin ang kanyang mga sinabi ay agad kinuha ang cheke at ipinangalan sa kanya.
“This is mine!” pang-aasar ng soon-to-be mom.
“Ang bilis o! Wala kang ginagawa, nagpabuntis ka lang may P500,000 ka na!” dagdag ni Pat.
Dahil bigo na namang mapatiklop ang kanyang misis, nagsumbong na sa mga kinauukulan si Boss Keng.
Una nitong tinawagan ang nakatatandang kapatid ni Pat na si Cong TV. Sunod na tinawagan ni Boss Keng ang mga magulang ni Pat na sina Papa Shoutout at Mama Revlon.
“Baka naman panay ang motor mo kaya sinabi yan! Bakit magkaaway ba kayo? Baka panay ang alis mo kasi,” ani Mama Revlon.
Agad din namang pinagsabihan ng kanyang mga magulang si Pat dahilan upang humingi ng paumanhin si Pat sa kanyang mister.
“Di ba dun sa vlog mo ikaw yung pinaka matibay sa ano (pamilya)” tanong ni Papa Shouout.
Sagot naman ni Boss Keng: “Hindi pala! Mas matibay pala ‘to, Pa!”
Watch the full vlog below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.