Kidlat’s Baby Sitter Accepts Acting Challenge With ‘Rosalinda’ Star, Fernando Carrillo

Matapos bumisita sa VIYLine office nong June 11, 2023, sumabak sa hindi inaasahang pangyayari ang Venezuelan actor na si Fernando Carrillo, a.k.a Fernando Jose. 

Labis na ikinatuwa ng mga manonood ang naging acting challenge ng “Rosalinda” star kasama ang nag-iisang Carmina Marasigan, a.k.a Ate Acar, na syang nag-aalaga sa anak nina Cong TV at Viy Cortez. 

Si Ate Acar na nga kaya ang pinakabagong Rosalinda ng ating henerasyon? 

The Warm Welcome

Sa kanyang bagong YouTube vlog, ibinahagi ni Viy Cortez sa kanyang mga manonood sa pagsalubong nito at ng buong VIYLine employees sa 90’s hearthtrob na si Fernando Carrillo ng hit Mexican soap opera na “Rosalinda.”

Isinama rin ni 26-anyos na vlogger sa nasabing okasyon ang katuwang niya sa pag-aalaga kay Baby Kidlat na si Ate Acar, upang personal na malapitan ang iniidolo nitong Venezuelan actor.

“Gusto kong ma-meet si Fernando Jose! Nanonood ako ng Rosalinda eh!” buong galak na sabi ni Ate Acar.

Sa tulong ng Ivy’s Feminity, nabihisan si Ate Acar ng isang magandang bestida upang makuha ang porma ala Rosalinda.

The First Encounter

Ilang sandali pa ay dumating na ang Venezuelan actor sa VIYLine Group of Companies office at agad itong sinalubong ni Viy Cortez at kanyang pamilya.

Hindi rin nagpahuli si Ate Acar sa kanyang pagsalubong dito at hindi pinalampas ang pagkakataon na mayakap ang kanyang idolo. 

Matapos ang kanilang kumustahan, walang pagdadalawang isip na sumabak sa aktingan sina Fernando Carrillo at Ate Acar, at ginaya ang ilang eksena sa Rosalinda.

Matapos ang batuhan ng mabibigat na linyahan, napawi ang tensyon nang kiligin si Ate Acar matapos itong halikan on-screen ng Venezuelan actor.

“Guys, may nanalo na! Ikaw [Ate Acar] ang nagwagi ngayong araw,” biro ni Viviys.

“Grabe! Pwede na ako maging artista!” ani Ate Acar.

Watch the full vlog below: