Hatid ngayon ng expecting mom na si Pat Velasquez-Gaspar ang kanyang 29th week of pregnancy update para sa kanyang mga masugid na mga taga-suporta.
Ibinahagi rin ni Pat ang ilan sa mga pinagdaanan nito bilang ina habang ipinagbubuntis ang panganay nila ni Boss Keng.
Sa kanyang bagong vlog, isinama ni Pat Velasquez-Gaspar ang kanyang mga manonood sa ultrasound appointment nito sa Hello Baby sa Quezon City.
Bago umalis ay nagsalo ang mag-asawa sa isang masarap na agahan kasabay ang kanilang kwentuhan tungkol sa pagbubuntis ni Mrs. Gaspar.
Ipinamalas ni Boss Keng ang kanyang pagiging hands-on daddy sa pag-aaral ng mga nararanasan ng misis nito.
“Si BK lagi niyang inuunahan ako minsan magbasa [sa pregnancy app],” bungad ni Pat.
“Alam n’ya kapag mayroon akong iniinda. Hindi, sasabihin n’ya ‘normal lang ‘yan,’” dagdag pa nito.
Dahil aniya sa lakas nyang kumain, si Boss Keng na rin ang nagsisilbing gabay nito upang maiwasan ang paglobo ng timbang para mairaos ang normal delivery.
Ibinida rin ni Mommy Pat ang kanyang lumalaking baby bump ilang linggo bago tuluyang ilabas ang kanilang Baby Isla.
“I can’t wait to see you, Isla boy!” aniya.
Dahil excited na ang soon-to-be mommy and daddy sa pagdating ni Baby Isla, nagtungo ang mga ito sa Hello Baby upang muling masilayan ang lagay ng kanilang panganay.
“Boss Keng yung ilong talaga hindi nagbabago ah. Pati butas ng ilong maganda noh?” ani Mommy Pat.
Laking tuwa ng mga ito nang masilayan ang hitsura ng iba’t-ibang parte ng katawan ng kanilang Baby Isla.
Samantala, upang makita kung sino ba talaga ang kamukha ni Baby Isla, inihanda ni Mommy Pat ang ilan sa mga baby pictures ni Daddy Keng.
“Ito si Isla Boy! Ilong pa lang alam mo na kung sino [kahawig] eh!” biro ni Pat.
“Ilong ko ‘yan oh!” pag-sangayon naman ni Boss Keng.
Hindi naman napigilang maging emosyonal ng mag-asawang Boss Keng at Pat nang makita ang mga litrato ng mag-ama.
“Naiiyak ako, may naitabi pa palang ganito sina Mama,” ani Boss Keng.
Watch the full vlog below:
Now that the weather is getting colder, maintaining well-moisturized skin becomes a challenge, often leaving…
Dahil back-to-school season na, ibinahagi ni Mommy Viy ang ultimate baon buddy ng panganay niyang…
Marami ang naaliw nang simulan ng mag-asawang Kevin at Abigail Hermosada ang kanilang ‘weird cravings’…
Hot on the heels of their last successful drop, Cong TV’s official clothing line, Team…
Matapos hindi makasama sa nakaraang biyahe ng Team Payaman sa Hong Kong, nakabawi si Burong…
Isang makabuluhang feeding activity para sa mga stray dogs ang tampok sa pinakabagong episode ng…
This website uses cookies.