Awat muna sa usapang motor dahil hatid ngayon ng Team Payaman Wild Dogs ang ilan sa mga tips and tricks bilang fur parents.
Isang pagsubok ang kinaharap ng pet owners na sina Jaime de Guzman, a.k.a Dudut at Aaron Macacua, a.k.a Burong, matapos hindi magkasundo ang asong si Bruno at bagong alagang pusa na si Kathy.
Bruno’s New Fur Housemate
Sa bagong vlog ni Dudut, ipinakilala nito ang bagong alaga ng kaibigang si Burong na maninirahan sa rin loob ng Content Creator House.
Hindi lingid sa kaalaman ng lahat na mayroon ng alagang French Bulldog ang mag-nobyong Dudut at Clouie Dims na kanilang pinangalanang Bruno.
Sinubukan nina Dudut at Burong ang ilan sa mga tips kung paano magkakasundo ang kanilang mga alagang aso at pusa.
Sa unang pagkikita nina Bruno at Kathy, naging agresibo agad si Bruno na agad namang naagapan ni Dudut.
Nang hindi magkasundo sa unang pagkakataon, sunod na sinubukan ni Dudut ang kanyang ipinagmamalaking Suwahadel Teknik, kung saan ibinalot ang pusa sa tela na animoy sanggol.
“Lolokohin natin si Kathy, ilalagay natin sa utak n’ya na tatay n’ya si Bruno,” ani Dudut.
Sa kasamaang palad, hindi nagtagumpay ang nasabing technique ni Dudut kung kaya ang ideya naman ni Burong ang kanilang sinubukan.
Call a Friend
Minabuti nina Dudut at Burong na subukang humingi ng payo mula kay Lestreza Panta, a.k.a. The Pinoy Dog Whisperer.
Kilala ang The Pinoy Dog Whisperer bilang isa sa mga magagaling na dog behavior expert sa bansa na nagsisilbing gabay sa mga pet owners.
“Bukas ng umaga o mamaya, ilakad mo ‘yang cute mong asong busangot. Tapos utusan mo si Burong. Alam ba ni Burong yung flirt pole?” tanong ng dog whisperer.
Abiso pa nito: “Habang nilalakad mo yung aso mo, yung pusa n’ya, laruin n’ya ng ganon, para pag nag-meet sila parehas silang pagod, sabay silang matutulog, walang sampalang mangyayari!”
Ano kaya ang susunod na mangyayari kina Bruno at Kathy?
Watch the full vlog below
