Daddy Louie Nimedez Takes Viewers to North Ride Road Trip

Bago pa man magkaroon ng Team Payama Moto Club, isa na si Daddy Louie Nimedez sa naunang moto vlogger ng Team Payaman. 

Sa kanyang bagong vlog, muling sinama ng ama ng yumaong Team Payaman vlogger na si Emman Nimedez ang kanyang mga manonood sa isang biyahe. 

North Road Trip

Bago tuluyang sumabak sa mahabang ride, una munang pina carwash ni Daddy Louie ang kanyang motorsiklo na binansagan niyang “Pogi.”

“So dito na ako magpapa-abot ng ride out namin, kasi nga medyo merong check up konti kay Pogi bago umalis,” paliwanag ni Daddy Louie.

Kasama ang mga ka-grupo sa One Build Kuztim o OBK, bumiyahe ang ama ni Emman ng ilang oras patungong Mariveles, Bataan.

Sunod namang tinungo ng grupo ng riders ang Bagac, Bataan, kung saan inabutan nila ang pagdiriwang ng fiesta sa lalawigan ng San Isidro.

“So naki-fiesta kami, kain kain. So balik na kami ngayon doon sa may dagat.”

Matapos maki-fiesta, dumiresto naman sila sa Bangusan Beach kung saan nagpalipas ng gabi ang grupo bitbit ang kani-kanilang tent na tutulugan.

Kinabukasan ay nagtampisaw naman ang mga ito sa dagat at nag island hopping kasama ang buong tropa. 

“So ayun nga mga bok, yung mga kasama namin pumunta sa loob ng kweba, naglipadan ang mga paniki!” kwento ni Daddy Louie. 

Hindi na aniya ito nakasama dahil hiningal na agad sa pagbaba pa lang ng bangka. 

“Ang ganda dito, yun lang talagang napasubo kami ni Pareng Arman! Pero ang sarap ng feel kasama ang OBK family,” dagdag pa nito. 

Makalipas ang ilang oras na pag-eenjoy sa dagat,  sama-samang naghanda ng kanilang hapunan ang grupo at masayang nagsalo salo. 

Kinabukasan, bumiyahe ulit ang OBK family ni Daddy Louie pabalik ng Maynila.  

Watch the full vlog below: