Isang kakaibang moto vlog ang hatid sa atin ngayon ni Team Payaman content creator Junnie Boy. Sa kauna-unahang pagkakataon ay sinama tayo ni Junnie sa isa sa kanyang mga rides kasama ang tropa.
Sa kanyang bagong vlog, kakaibang trip ang naisip ni Junnie upang maibsan ang pangungulila nito sa pagmomotorsiklo.
“Totoo pala ang sinasabi nilang kati ng motor,” ani Junnie Boy na tila gustong gusto nang muling imaneho ang kanyang motorsiklo.
Dahil higit dalawang linggo na aniya siyang hindi nakakapag motorsiklo, naisip ni Junnie Boy ang isang challenge.
Niyaya nito ang mga kaibigan na sina Carlos Magnata, a.k.a Bok at Carding Magsino sa isang quick ride sa Daang Hari.
Pero hindi lang basta-basta pamamasyal ang pakay ng tropa, hinamon din sila ni Junnie Boy sa isang misyon na bilangin lahat ng stoplight sa Las Piñas–Muntinlupa–Laguna–Cavite Link Road or mas kilala bilang “Daang Hari.”
“Pagkadating natin sa destinasyon, tatanungin ko kayo kung pare-parehas tayo ng bilang,” paliwanag ni Junnie.
“Kung sino ang may maling bilang, siya ang magpapa-gas sa’tin,” dagdag pa nito.
Dahil sa nasabing ride, binansagan din ni Junnie Boy ang sarili bilang “Journey Boy.”
“Tawagin niyo akong Journey Boy at samahan niyo ako sa aking journey para bilangin ang stoplight sa Daang Hari!”
Pagdating sa kanilang destinasyon, agad nagsabi ng kani-kanilang hula ang magkakaibigan.
Bok: “Par ang usapan dito lahat, so 62! Nanahimik ako kasi binibilang ko.”
Carding: “Par ang bilang ko 60! Tatlo hindi gumagana!”
Junnie: “Alam niyo ilang bilang ko? Sampu!”
Tila hindi nagkaintindihan ang magkakaibigan dahil sina Bok at Carding ay binilang mismo kung ilan ang stoplight unit sa bawat crossing, habang si Junnie Boy naman ay binilang lang ang bawat crossing sa daan.
Dahil dito, walang nagawa si Junnie Boy kundi ilibre ng full tank gas ang kanyang mga kaibigan.
Samantala, ikinatuwa naman ng netizens ang kakaibang pakulo ni “Journey Boy” sa kanyang moto vlog.
florantegarcia3085: “JourneyBoy? Yes! New Character unlocked more of this please.”
doniatoyo9459: “Junnie sana sunod naman na bilangin niyo yung mga poste.”
ronvinarao2072: “Dahil seo junnie binilang q dn 2loy ung stop light s daang hari.”
Watch the full vlog below:
May hatid na tip ang Team Payaman mom na si Pat Velasquez-Gaspar para sa kanyang…
Masayang ibinahagi ni Yiv Cortez, nakababatang kapatid ni Viy Cortez-Velasquez, ang isang mahalagang milestone sa…
Looking for a quick way to add color to your everyday makeup routine? Team Payaman’s…
Tampo mode on si Cong TV sa mga kapwa Team Payaman members na sina Junnie…
Muling naghatid ng good-vibes sa netizens ang Team Payaman momma na si Viy Cortez-Velasquez matapos…
Magtagumpay kaya ang tambalang Dudut-Boss Keng matapos nilang hamunin ang ilang pickleball players sa isang…
This website uses cookies.