Isang taon na ang nakalipas matapos handugan ng isang bonggang debut party ni Viy Cortez ang bunsong kapatid nitong si Yiv Cortez.
Ngayong taon, isang malaking regalo muli ang hatid ni Ate Viy sa kanyang little sister na isang certified K-Pop fan.
Sa kanyang bagong vlog, ibinahagi ni Viy Cortez ang simple ngunit masayang selebrasyon ng ika-19 na kaarawan ng kapatid nitong si Yiv Cortez.
Sama-samang nagdiwang ang Pamilya Cortez sa isang resort upang salubungin ang kaarawan ni Yiv.
Kasama rin sa quick getaway ang bibong-bibong unico hijo ng CongTViy couple na si Baby Kidlat, na game na game nakisaya sa pamilya.
Sinalubong ng Pamilya Cortez ang kaarawan ni Yiv sa pamamagitan ng paghandog dito ng kanyang birthday cake at pag-awit ng Happy Birthday Song.
“Happy birthday, Yiv! Oh, mag-wish ka na kunyari may kandila!” biro ni Viviys.
At siyempre, hindi nagpahuli si Ate Viy sa kanyang malaking surpresa para sa nakababatang kapatid.
“At dahil birthday mo, syempre may sorpresa ako sa’yo!” bungad nito.
Tila na-prank si Yiv nang buksan nito ang paperbag mula sa isang luxury brand dahil naglalaman newly-formulated Team Payaman Lip Tints ng VIYLine Cosmetics.
“Alam mo kung bakit ‘yan regalo ko sa’yo? Kasi mayroon kang bagong version dito. Pwede naman kitang tanggalin sa TP Tints pero nilagay kita kasi you’re my sister!” biro ni Viy.
Hindi natatapos ang surpresa ni Cortez dahil agad din nitong ibinida ang kanyang tunay na birthday gift para kay Yiv.
“Pero syempre, mayroon talaga akong gift!” ani Viviys.
Pagkalabas ng papel, agad na napasigaw sa tuwa si Yiv dahil isa lang namang admission ticket para sa concert ng paborito nitong K-Pop group na TWICE ang hatid ng kanyang Ate Viys.
“Oh my God!” sigaw nito.
“Wala pa po talagang ticket kasi hindi pa s’ya available online or kahit saan. Pero, ito yung pambili n’ya,” paliwanag ni Viy.
Bagamat hindi pa man nahahawakan ang aktwal na ticket, labis ang tuwa na naramdaman ni Yiv sa regalo ng kanyang ate.
Watch the full vlog below:
Mula sa pagbabahagi ng kanyang “buhay estudyante” sa kanyang mga vlogs at TikTok content, isang…
Kakaibang Halloween special ang ibinahagi ng Team Payaman squad sa bagong vlog ni Clouie Dims. …
This article is sponsored by Salveo Barley Grass. There are a few more weeks to…
Dalawang taon na ang nakalipas mula noong ipinanganak ng Team Payaman power couple na sina…
Hindi na maitatanggi na punong-puno ng saya at pagmamahal ang Pamilya Cortez-Velasquez. Naririto ang ilan…
Matapos ang home-schooling kasama ang ibang Team Payaman kids, sasabak naman ngayon si Kidlat sa…
This website uses cookies.