Sa ikalawang yugto ng business-serye episode ng Payaman Insider Spotify podcast, ibinida ang mga kakaibang medical business venture na pangarap isabuhay ng mga host.
Sama-samang namangha sina Burong Macacua, Carding Magsino, Boss Keng Gaspar, at Junnie Boy sa mga kakaibang business proposal na kanilang napagusapan.
Unang nagbahagi ng kanyang business proposal si Carding dala ng hilig nito sa siyensiya at medisina.
“Bilang ako’y lisensyadong physical therapist, malapit sa puso ko yung mga PWD. So ang nagiging problema, karamihan sa kanila hirap mag-lakad. Ngayon, may naisip ako. Bakit hindi ako gumawa ng isang produkto?” bungad nito.
Ayon kay Carding, isang pantalon na makakatulong sa mga persons with disabilities (PWD) na makapaglakad ang nais nyang i-negosyo.
“May mga robotics na ini-introduce na ngayon sa field of medicine. May mga pinapasuot sila sa mga pasyente para maramdaman ulit nila yung pakiramdam na naglalakad,” paliwanag nito.
Ayon pa kay Carding, pwede itong gamitin ng mga amputated o ang mga taong kinailangan putulin ang mga binti.
“Sana lang maging mura yung presyo n’ya para maging accessible s’ya sa maraming tao!” kumento ni Burong.
“Pis, saludo ako sa’yo! Ang ganda [ng naisip mo],” dagdag ni Boss Keng.
Samantala, kakaibang imbensyon naman ang naisip ni Boss Keng para sa mga mahilig sa sports.
“Ang sumisira sa career ng isang tao ay ang injury. Ngayon, gusto ko magkaroon ng machine. Papasok ka ‘don tapos made-detect n’ya kung mayroon kang baling buto tapos kusa n’yang ibabalik nang hindi ka masasaktan!” paliwanag ni Boss Keng.
“Ang ganda ‘non. Pero parang ang mahal naman pakinggan n’yan?” tanong ni Burong.
Sagot naman ni Boss Keng, “Pis, Php 25.00 lang per session!”.
“Paglabas mo parang bago kang panganak, yung mga buto mo buo ulit. Na-relax ka na, na-enjoy ka na, gumaling ka pa!” dagdag ni Boss Keng.
Hindi naman nagpahuli si Junnie Boy sa kanyang kakaibang negosyo na may kinalaman sa gamot at pagve-vape.
Hilig din ni Junnie Boy ang mag-vape kaya hindi maiaalis dito ang kagustuhang makapag-imbento ng gamot gamit ang vape.
“Gagawa ako ng gamot. Pero ito, vape! Ang vape sisirain yung katawan mo, yung mga usok. Pero yung vape ko, baliktad yung effect. Kapag humipak ka, pagagalingin lahat ng nararamdaman mo sa internal!” paliwanag ni Junnie.
Paliwanag ni Junnie hindi lang ito simpleng vape dahil mas maganda ang epekto nito kumpara sa pangkaraniwang inhaler.
“Kasi pre, maraming tao ang gumagamit ng vape kapag nag-iisip sila, pang-tanggal stress para mas makapag-isip sila ng tama. So imbis na ‘yun lang ang gawin nila, pampaganda ng katawan sa loob. So kung may sakit silang nararamdaman, hihithitin nila!”
Dagdag pa nito na bawat flavor ng juice ay magsisilbing gamot na may iba’t-ibang epekto depende sa karamdaman.
Kakaibang innovation naman ang naisip ni Burong na makakatulong para sa mga na-aaksidente sa kalsada.
Dahil maraming aksidente ang nauuwi sa dead-on-arrival sa ospital, naisip nitong palitan lahat ng ambulansya ng motorsiklong Ducati upang lalong mapabilis ang paghahatid sa pasyente.
“EDSA? Zzzz! [nasa] ospital ka na agad!” pagmamalaki ni Burong.
“Ang binebenta ko rito, oras para mabilis silang mapadala sa hospital!” dagdag pa nito.
Alin sa mga negosyong nabanggit ng Team Payaman ang nais n’yong maisakatuparan?
Listen to the full episode below:
Bukod sa vlogging, isa ang pagiging professional e-sports player sa pangarap ng Team Payaman member…
As the summer season fast approaches, Team PYMN Clothing is turning up the heat with…
Matapos ang apat na taon, pormal nang namaalam ang video editor ni Cong TV na…
Isang kwelang hamon ang tinanggap ng Team Payaman moms na sina Viy Cortez-Velasquez, Pat Velasquez-Gaspar,…
Matapos ang kanilang huling release na “LASON” noong December 5, 2025, muling nagbalik ang Filipino…
Getting through school mornings can be challenging for both children and parents. Young learners often…
This website uses cookies.