Bagamat ilang linggo na ang nakakalipas ay tila matindi pa rin ang Team Payaman Fair hangover ng social media power couple na sina Flow G at Angelica Jane Yap.
Sa bagong vlog ni Angelica, a.k.a Pastillas Girl, ibinahagi nito ang naging masayang karanasan sa TP Fair na ginanap noong March 8-12 sa SM Megamall Megatrade Hall.
Hindi matatawaran ang sayang naranasan ng Team Ebs matapos nitong makasalamuha ang kanilang kapwa influencers at mga taga suporta.
The Preparations
Mula sa kanilang mga produkto, isa rin sa mga pinaghandaan nina Angelica at Archie ay ang kanilang mga booth para sa Team Payaman Fair.
Present sa nasabing summer fair ang kanilang mga negosyong 90’s Apparel, Tea Mebs, at ilan sa mga slimming products ni Angelica Yap.
Bukod sa pag promote ay nakiisa rin ang mga ito sa pagbubuo ng kanilang booth at pag-aayos ng mga produkto.
TP Fair Experience
Matapos ang ingress, bumalik ang Team Ebs sa TP Fair para personal na makasalamuha ang kanilang mga supporters.
Bukod dito ay binisita rin nina Flow G at Angelica ang ilang miyembro ng Team Payaman gaya ni Viy Cortez na syang punong abala sa nasabing bazaar.
Kinamusta rin ng dalawa si Team Payaman headmaster Cong TV.
“Ilang araw na tayong magkakasama [sa TP Fair], ngayon lang tayo nagkita!” ani Cong TV.
“Pat, namimiss na kita! Buntis [kasi] eh! Sana all, char!” biro ni Angel.
“Hmm, nagpaparinig, Chie!” biro naman ni Boss Keng.
Sagot naman ni Archie: “Mamaya ‘yan sa akin!”
Kinabukasan ay present din sina Angel at Flow G at game na game na nakipagkulitan sa TP Fair host na si Babbles.
Bago pa man tuluyang tapusin ang kanilang program sa TP Fair, ipinahatid na ng Team Ebs ang labis labis na pasasalamat sa kanilang mga taga suporta.
“Maraming maraming salamat sa lahat ng sumuporta sa aming booth! Abangan n’yo pa po kami sa iba pang Team Payaman Fair! We’re so grateful na pinuntahan n’yo kami dito sa aming booth!” pasasalamat ni Angel.
“Salamat din sa Team Payaman Fair kasi sinama n’yo kami dito, sobrang na-enjoy namin yung ganitong ganap kasi nagamit din namin yung aming kasipagan!” dagdag naman ni Flow G.
Watch the full vlog below:
