Bukod sa Team Payaman, ilang YouTube personality din ang nakisaya sa nagdaang Team Payaman Fair, kabilang na dyan ang vlogger na si Luigi Pacheco.
Bukod sa kanyang masayang TP Fair experience, ibinahagi ni Luigi ang kanyang bagong negosyo na ekslusibo nitong inilunsad sa nasabing bazaar.
Nakilala si Luigi Pacheco at iba pang kaibigan nito gaya nina Kyo Quijano dahil sa kanilang mga entertainment, lifestyle, at travel vlogs.
Sa kanyang bagong vlog, ibinahagi ng 25-anyos YouTube vlogger ang kanyang naging paghahanda para sa bagong negosyo.
“Nag start ako ng business, I am entering my entrepreneur era! Feeling ko kasi nag-evolve ako into ultimate form ng pagka-tito,” bungad ni Luigi.
Dahil road to “Adulting 101” na aniya si Luigi, naisipan nitong sumabak sa pagnenegosyo at magbenta ng humidifier scents.
Kwento ni Luigi, isa ang humidifier sa kanyang mga isinasaalang alang upang maging kumportable sa kanyang tinitirahan.
“Ako yung tipo ng tao na gusto ko mabango yung place ko, lalong lalo na yung bedroom! Diyos ko!” dagdag pa nito.
Kaya naman naisipan nitong magbenta ng iba’t-ibang humidifier scents na binasagan niyang “Vin Scents.”
Ang Vin Scents ay may tatlong scents gaya ng Home Alone, Bagong Ligo at Just Like Tea Tea na perfect for any mood and occasion.
Ang Home Alone ay ang kanilang best-selling scent na ayon kay Luigi ay kaamoy ng Wood Sage scent ng high-end perfume brand na Jo Malone.
Green tea naman aniya ang amoy ng Just Like Tea Tea, habang fresh scent naman ang peg ng kanyang paboritong Bagong Ligo scent.
“Nung nag-iisip ako nung name para sa business na ‘to, gusto ko yung very Pinoy, very Filipino para alam mo yun… #PinoyPride!”
Sa halagang Php 280 mabibili na ang 1L humidifier scent ng Vin Scents sa kanilang official Shopee and Instagram accounts.
Ayon kay Luigi Pacheco, sobrang excited itong ilunsad ang kanyang pinaghirapang negosyo sa Team Payaman Fair.
“Una kong dinebut yung mga scents ko sa Team Payaman Fair. Doon ko unang ni-release kasi I thought that was the perfect opportunity.”
“Doon sa Team Payaman Fair, nagbenta kami nina Kyo at Ara, and happy naman ako na may nabenta ako. Si Bagong Ligo [scent] yung favorite ko kaya laking gulat ko nung ito [Home Alone] yung naging best seller noong Team Payaman Fair!”
Laking pasasalamat ni Luigi sa kanyang mga tagasuporta na bumili sa kanyang munting negosyo.
Bukod sa Vin Scents, ibinahagi rin ni Luigi ang kanyang hindi malilimutang karanasan sa nagdaang TP Fair.
“Noong Team Payaman Fair, andaming viewers and supporters namin na bumili ng products namin. Super happy ako na may bumibili ng mga scents ko.”
“Andami naming na-meet nung TP Fair. Isa talaga ‘yon sa mga na-miss ko nung pandemic, is yung ma-meet kayo guys!”
Watch the full vlog below:
Sa pinakabagong episode ng Dudut’s Kitchen, isang kakaibang cooking challenge ang inihanda ng resident cook…
Balik-bata vibes ang hatid ng bagong vlog ni Yow Andrada kasama ang kapwa Team Payaman…
Road to a healthier lifestyle ang motto ng mag-asawang Junnie Boy at Vien Iligan-Velasquez matapos…
Isa ngayon ang pagfu-foodtrip ang hatid ng Team Payaman vlogger na si Clouie Dims kasama…
Matapos ang Vietnam adVIENture ng Team Payaman momma na si Vien Iligan-Velasquez, isang bonggang shopping…
VIY-gger energy filled the Mall Atrium of SM City Fairview as the sixth leg of…
This website uses cookies.