Usap-usapan ngayon sa social media ang bagong artista van ng YouTube personality na si Toni Fowler, a.k.a Mommy Oni.
Kamakailan lang ay nakiisa si Mommy Oni at ang negosyo nitong Fowler and Beauty (FAB) sa Team Payaman Fair na ginanap sa SM Megamall Megatrade Hall noong March 8-12, 2023.
Matapos ang TP Fair, ibinahagi ng 29-anyos na vlogger at entrepreneur ang isa sa kanyang mga hindi malilimutang tagumpay na bunga ng kanyang kasipagan.
Dahil sunod-sunod ang mga natatanggap na biyaya, hindi pa rin nalilimutan ni Toni Fowler na magpasalamat sa Panginoon sa mga natatamasa nitong tagumpay.
“Gusto ko lang talaga magpasalamat sa lahat ng mga blessings na natatanggap namin ngayon kasi sunod-sunod na talaga [yung mga biyaya]. Iba ‘tong 2023 sa amin ngayon. Iba yung tama sa pamilya ko!” bungad ni Toni.
Hindi lingid sa kaalaman ng lahat ganap ng aktres si Mommi Oni. Ito ay matapos siyang mapabilang sa bagong teleserye na “Ang Batang Quiapo” na pinagbibidahan ni Coco Martin.
Dahil sa mga biyayang natatanggap, naisipan ni Mommy Oni na magpundar ng sariling “artista van” na magagamit ng kanilang buong pamilya.
Ikinatuwa ng mag-inang Toni at Tyronia ang kanilang unang silip sa nasabing artista van.
“Oh my God, ang ganda talaga mommy! Hala may Netflix, pwede tayong manood!” ani Tyronia.
Laking tuwa ng mag-ina nang malamang pwedeng pwedeng higaan at pagpahingahan ang kanilang bagong sasakyan.
“Mga bessy ko, ang saya ko na nagkaroon ako [ng van]! Grabe promise, sobrang saya ko talaga! Hindi na ako mahihirapan sa taping, sa mga alis alis namin,” kwento ni Toni.
Hindi naman napigilan ng mga netizens na tanungin kung magkano nga ba ang presyo ng bagong artista van, na agad din namang sinagot ni Toni sa kanyang TikTok.
Ayon kay Mommy Oni, tumatagingting na Php 2.7 million ang halaga ng kanyang bagong pundar na sasakyan.
“At ‘yun na nga mga bessy ko, kahit masakit sa bulsa, nilaban ko talaga’yan. Sulit naman kasi talaga s’ya sa presyo n’ya diba?”
Ipinahatid ng mga taga-suporta ni Toni Fowler ang kanilang excitement sa bagong tagumpay na nakamit ng kanilang iniidolo.
Jasmin Galos Taladro: “Yumayaman talaga ang isang tao pag binabash ng binabash eh. Nagsusumikap talaga! Proud of you mameh!”
Demisaur: “Dati nasa maliit na apartment yung una napanood ko kayo at now, just wow! Napaka-succesful nyo na kaya nakakatuwa yung makita mo yung success ng ibang tao!”
Maying: “Sobrang bait ni Mommy Oni! At ang ganda pa. Sana hindi po kayo magbabago Mommy Oni! God bless po!
Watch the full vlog below:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.