Isa sa mga highlight ng nagdaang Team Payaman Fair ay ang surprise Michael Jackson impersonation ni Team Payaman Headmaster Cong TV.
Bukod sa kanyang fiance na si Viy Cortez, naaliw din kay “Michael Jackscong” ang mga dumalo sa TP Fair.
The Preparations
Sa kanyang bagong vlog na ngayong ay top 1 trending sa YouTube, ibinahagi ni Cong TV ang kanyang kakaibang pasabog para sa huling araw ng Team Payaman Fair noong March 12.
Sa tulong ng kanyang mga kaibigan at ilang kasamahan sa Congpound, naisakatuparan ang hiling ni Cong TV na maging isang Michael Jackson for a day.
Isa sa mga tumulong sa kanyang misyon ay ang batikang MJ impersonator na una na nilang nakasalamuha noong 2020 sa Payamansion 1.
Pagkatapos ng kamustahan ay kinasa na ni Cong ang kanyang Michael Jackson transformation.
“Ang goal dito talaga, as much as possible, hindi ma-recognize ng tao yung mukha ko. Kasi gusto ko makaikot sa fair eh!” ani ng 31-anyos na vlogger.
Bukod sa MJ costume at accessories, nag makeup din si Cong TV upang makumpleto ang kanyang disguise.
Michael Jackson Live at TP Fair
Pagkatapos maghanda ay excited na nagtungo si Cong TV sa Team Payaman Fair na ginanap sa SM Megamall Megatrade Hall.
Patay malisya itong pumasok sa loob habang sinusubukang umiwas makilala ng kanyang mga taga-suporta.
Wala pang limang minuto ay nakilala agad ito ng kanyang mga fans at agad na dinumog upang makapagpa-picture.
“Akala ko hindi ako makikilala!” kwento nito.
Bukod sa kanyang pakay na maka-ikot sa loob ng venue, balak din nitong surpresahin si Viy Cortez na diehard fan ng tinaguriang “King of Pop.”
Ilang sandali lang ay naghatid pa ng isang pangmalakasang Michael Jackson performance si Cong TV na siyang ikinatuwa ni Viy Cortez at ng mga manonood.
Tawanan at hindi malilimutang karanasan ang baon ng Team Payaman Fair attendees matapos masaksihan Michael Jackson transformation ni Cong TV.
Watch the full vlog below:
