Ilang buwan matapos pansamantalang lisanin ang kanilang bahay sa Trece Martires, Cavite, nagsimula na ang pagsasaayos sa bahay ng mga magulang ni Team Payaman vlogger Vien Iligan-Velasquez.
Sa kanyang bagong vlog, ipinasilip ni Mommy Vien ang ilang pagbabago sa kanilang bahay na aniya’y matagal na nyang pinangarap mapaayos para sa kanilang pamilya.
“Excited ako syempre, pawis at dugo pinaghirapan ko talagang ipatayo yang bahay namin,” kwento ni Vien lligan-Velasquez.
“Talagang regalo ko yan kina mama dahil sabi ko nga sa kanila, matatanda na kayo kailangan na nila ng pahingahan. Yung wala na silang iniintindi,” dagdag pa nito.
Ayon kay Vien, nauna na nilang bilhin ang nasabing bahay kaya naman ngayon ay plano nyang ayusin ito para mas maging maginhawa ang pamumuhay ng kanyang mga magulang at mga kapatid.
Naikwento rin ni Vien na nasasabik na ang kanyang pamilya sa nasabing bahay dahil magkakaroon na sila ng mas maluwag na espasyo.
“Sabi nga sa akin ni Papa, kapag nagawa na ‘tong bahay na ‘to, iwan nyo na sa akin yung mga apo ko ah kasi di n’ya nakakasama sina Mavi at Viela!” kwento ni Vien.
Kasama ang asawa nitong si Junnie Boy, binisita ni Vien ang kanilang munting bahay sa Trece Martires sa Cavite.
Buong galak na inilibot ni Vien ang kanyang mga manonood sa ipinapagawang tahanan para sa kanyang mama at papa.
“Dito yung kwarto nila mama sa baba. Alam n’yo naman kapag senior [citizen]. Para di na aakyat kapag iihi!” bungad nito.
Ipinasilip din ni Vien ang ikalawang palapag ng bahay kung saan matatagpuan ang mga kwarto nilang magkakapatid.
Ibinahagi rin ni Vien na kanyang ideya ang palagyan ng ikatlong palapag ang kanilang bahay dahil gusto nitong kumpleto sila ng mga kapatid niya.
“Masaya ako. Masaya talaga ako! Ito na ang bunga ng trabaho ko. So yun lang, ang saya. Ang saya!” ani Vien.
Watch the full vlog below:
Mapapanood na sa People’s Television Network Inc. o PTV ang “Pinoy Pawnstars” na negosyo at…
Magkahalong kilig at lungkot ang hatid ngayon ng internet sensations na sina Ser Geybin Capinpin…
Sa kabila ng mainit na panahon, isa sa pagsubok na hinaharap ng Team Payaman headmaster…
Just recently, soon-to-wed Team Payaman couple Cong TV and Viy Cortez visited Balesin Island to…
If you’re looking for a shirt to complete your aesthetic fit check, Cong TV’s clothing…
Nahaharap sa panibagong pagsubok bilang ama ang legendary YouTube vlogger na si Cong TV, ito…
This website uses cookies.