Tampok sa infotainment show ng GTV na I JUANder ang istorya ng buhay ng Sri Lankan Team Payaman member na si Steve Wijayawickrama.
Sa kanilang pre-valentine’s episode, ibinahagi ng editor-turned-vlogger ang kanyang natatanging kwento at pinagmulan bago pa man maging isang ganap na content creator.
Bumida ang tinaguriang “Mr. Friendly” ng Team Payaman sa isang episode ng I JUANder sa GTV.
Dala ng kanyang mga katagang “Hello, my friend!” hindi maitatangging ito na ang naging bansag sa 23-anyos na vlogger na nagmula sa bansang Sri Lanka.
Ibinahagi rin ni Steve Wijayawickrama ang nakakatawang karanasan bago pa man tuluyang makilala ng kanyang mga naging kaibigan sa bansa.
“Kapag nakikita nila ako, anyone, sasabihin nila, ay andito na si bumbay! Akala nila maapektuhan ako. Hindi… Sinakyan ko sila!” kwento ni Steve.
Paliwanag ni Steve, ang kanyang hitsura ay namana niya sa kanyang ama na ipinanganak at lumaki sa Sri Lanka.
Sa kauna-unahang pagkakataon ay ipinakilala rin ng nanay ni Steve ang kanilang pamilya at istorya ng kanilang buhay.
“Nag-abroad ako noon. Nagpunta ako sa Saudi Arabia tapos doon ko na-meet yung daddy ni Steve,” ani Mommy Audrey Bulanadi.
“Si Steve yung lucky baby sa amin kasi nung pinanganak ko s’ya, nagsimula na kami sa Saudi ng business kami doon eh,” dagdag pa nito.
Sampung taon na ang nakakaraan ng maisipan ng Pamilya Wijayawickrama na tuluyang manirahan sa Pilipinas. Ngunit hindi naging madali para kay Steve ang makipagsapalaran sa bansa.
“Noong pagkapunta ko rito, wala akong maintindihan. Ngayon, kinakausap nila ako, tumatawa sila. Everybody’s laughing,” kwento nito.
Sa nasabing episode ng I JUANder, binalikan din ni Steve ang ilan sa mga lugar kung saan n’ya sinimulan ang kanyang vlogging career.
“I’m just a person who enjoyed just the fact of making contents, and Cong TV was making it like a stunt!” ani Steve.
Ayon kay Steve, isa ang content creation sa nagpapasaya sa kanya.
“Having a life that you really want, doing the things you love, doesn’t just give you happiness, but I was able to reach a lot of people, connect to a lot of people, and I was able to help my sister in her studies, and I was able to help my parents,” dagdag pa nito.
Watch the full episode below:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.