Mau Anlacan Shares Kilig Reaction Video From #RhoMau Confrontation

Hindi na talaga mapigilan ang kilig na hatid ng tambalan nina Mau Anlacan at Rhomil Francisco, a.k.a #RhoMau na nabuo sa Payamansion. 

Isang reaction video ang hatid ng tambalang RhoMau matapos nitong panoorin ang pagpapatuloy ng kanilang love story sa loob ng Congpound.

Sun and Moon Reaction Video

Sa kanyang bagong vlog, ibinahagi ni Mau Anlacan ang kanilang reaksyon sa huling #RhoMau vlog na hatid ni Steve Wijayawickrama.

“Vlog vlog lang ba ‘to? Crush mo ba talaga si Rhomil?” paunang tanong ni Carlo Santos – videographer at editor ni Viy Cortez. 

Simula pa lang ng panonood ay kaliwa’t-kanan na ang hiyawan ng mga Team Payaman members matapos masaksihan ang umuusbong na love story ng dalawa.

Abot tenga naman ang ngiti ni Team Payaman Dancing Queen Mau habang pinapanood ang mga kaibigan na nilaglag siya sa nasabing vlog.

“Guys alam n’yo ba, si Mau ang unang nag-chat kay Rhomil!” kwento ni Kevin Hufana.

“Ako ba talaga?!” patay-malisyang tanong ni Mau. 

Matapos panoorin ang iba pang mga clips, hindi napigilan ng ilang TP Editors na kiligin sa nasabing Congpound Love Team.

“Kinikilig pa rin ako sa inyo!” dagdag ni Carlo.

Pabirong tinanong naman ni Mau si Rhomil kung bakit hindi ito umakyat ng bahay nang yayain niya. 

“Bakit hindi ka umakyat?” tanong ni Mau. 

“Joke lang” mabilis na dagdag nito.

Sa pamamagitan ng isang handshake, nilinaw din nila na silang dalawa ay single at ready to mingle.

#RhoMau Date?

Samantala, sa kauna-unahang pagkakataon, sinagot din nina Mau at Rhomil kung saan ba posibleng humantong ang kanilang ugnayan. Sa pag-akyat sa bahay o sa pagpunta sa Wagyuniku by Pat and Keng?

“Vlog vlog lang ba ‘to?” tanong ni Carlo.

“Kelan ba kasi yung Wagyuniku?” tanong ni Rhomil kay Mau.

“Ikaw mag-set ng date, ikaw yung maraming ineedit!” sagot ni Mau.

Watch the full vlog below: