Team Payaman’s Mike Sabino Shares Glimpse of Wedding Anniversary Celebration

Kamakailan lang ay ipinagdiwang ni Mike Sabino – personal driver nina Cong TV at Viy Cortez, ang kanilang anibersaryo ng asawa na si Josh Anne Dimapilis-Sabino, a.k.a Jaja. 

Kasama ang unico hijo na si Rasec, ibinida ng Pamilya Sabino ang kanilang quick anniversary getaway sa Tagaytay City.

Team Sabino Getaway

Sa bagong vlog ni Kuya Mike, ibinahagi nito ang ilan sa mga kaganapan matapos ipagdiwang ang kanilang anibersaryo ni Josh Anne bilang mag-asawa.

“Guys, aalis kami today. Wala lang, natripan lang namin, punta lang kami Tagaytay magla-lunch lang kami!” biro ni Mommy Jaja.

“Samahan n’yo kaming mag-anniversary date for the first time! Ay! Nakaluwag-luwag?” dagdag pa nito.

Hindi pa man nakakalayo ay sinimulan na ng Team Sabino ang kanilang food trip sa pamamagitan ng pagbili ng nilalako na chicharon sa Tagaytay.

“So guys, medyo traffic pang papuntang Tagaytay, so may nakita kaming chicharon na tinitinda sa daan so bumili kami para pantawid gutom muna. Ang sarap ng suka!!” kwento pa ng misis ni Kuya Mike.

“Busog na tayo! Uwi na tayo!” biro naman ng kanilang Padre de Pamilya.

Anniversary Date

Matapos maipit sa traffic, nakarating din ang Team Sabino sa kanilang destinasyon, ang The View Restaurant and Cafe.

Bukod sa pagkain, ang makapigil hiningang tanawin ng Taal Volcano ang sumalubong sa kanilang pamilya pagdating sa nasabing kainan.

“Guys, nandito na yung fog sa amin! Medyo malamig yung hangin. Ayan na yung fog daddy oh, nasa atin na s’ya!” kwento ni Josh Anne.

Ilang sandali lang ay dumating na ang mga pagkaing pinili ng mag-asawang Mike at Josh Anne para sa kanilang anniversary lunch out.

Matapos kumain ay game na game na sinamahan nina Mommy Jaja at Daddy Mike si Rasec sa paglalaro sa indoor playground sa isang mall.

“May batang nagwagi!” biro ni Josh Anne.

Watch the full vlog below: