Chef Enn Shares Mouthwatering Dishes Before Leaving Payamansion 2

Bago tuluyang lisanin ang Payamansion 2 ay pinag luto muna ni Kenneth Silva, a.k.a Chef Enn ang kanyang mga manonood.

Sa huling pagkakataon sa loob ng Payamansion 2 ay naghanda ang resident chef ng Team Payaman ng iba’t-ibang mga putahe para sa kanyang mga kasamahan.

Chef Enn’s TP History

Sa kanyang bagong vlog, nagbalik tanaw si Chef Enn sa ilan sa kanyang mga memorya sa loob ng Payamansion 2, partikular na ang dahilan ng kanyang pamamalagi rito.

“Unang una sa lahat, dahil kay Chef Kim kaya ako napunta sa Payamansion,” kwento ni Chef Enn.

“So si Chef Kim is kasamahan ko dati sa Solaire, na ako po’y isang intern lang na nagkukumpleto ng mga requirements para matapos ko yung pagiging culinary [student] sa Magsaysay,” dagdag pa nito. 

Ayon sa kusinero, isang malaking oportunidad ang trabahong inialok sa kanya ni Chef Kim noong kasagsagan ng pandemya noong 2020.

“Kaya noong chinat ako ni Chef Kim, syempre, ba’t naman ako tatanggi, mga idol natin ‘yon. So, ginrab ko na.”

One Last Cook

Sa nasabi ring vlog ibinahagi ni Chef Enn ang kanyang naging paghahanda para sa pagluluto ng mga huling putahe bago tuluyang umalis sa Payamansion. 

Isinaalang-alang ng nasabing chef ang mga paboritong pagkain ng kanyang mga kasamahan na si Cong TV at Yow gaya ng Galunggong at Ginisang Monggo.

“Every Friday is Monggo day!” saad ni Chef Enn.

Agad na nagtungo si Chef Enn sa palengke upang bilhin ang mga rekado na kakailanganin para sa kanyang cooking session.

Para sa unang hakbang, ginisa ni Chef Enn ang bawang, sibuyas, at kamatis, at ginisa ang laman ng baboy. Ayon kay Chef Enn, asin lang ang sikreto upang maging malasa ang nasabing mga rekado.

Matapos itong gisahin ay ihinalo na ni Chef ang kanyang ginisa sa pinakuluan monggo, kasabay ng mga hiniwang kalabasa.

Inihanda na rin ni Chef Enn ang kanyang kawali na gagamitin sa pagprito ng Galunggong. 

Matapos isalang ang Galunggong at Ginisang Monggo ay agad na ring sinimulan ni Chef Enn ang pagluto sa Halabos na Hipon. 

Tubig, asin, squeezed lemon, at asukal ang pangunahing sangkap na ginamit ni Chef Enn para sa kanyang hipon recipe.

Ilang sandali lang ay ready na para sa pananghalian ng Team Payaman at ang mga inihandang pagkain ni Chef Enn.

Watch the full vlog below:

Likes:
0 0
Views:
1163
Article Categories:
VIYLINE ENTERTAINMENT NEWS

All Comments

  • Thank you Viyline media Group! ❤️🙌🏼

    Chef enn January 28, 2023 3:31 pm Reply

Leave a Reply

Your email address will not be published. Required fields are marked *