Walang paglagyan ang kilig ng Team Payaman girls matapos malaman na posible nilang makita at makasama ang nag-iisang phenomenal heartthrob at aktor na si Daniel Padilla.
Pero paano nga ba magiging posible ang pagkikitang ito?
Sa isang bagong vlog, ibinahagi ni Team Payaman editor-turned-vlogger Kevin Hermosada ang isang hindi inaasahang pagkakataon kung saan nakilala at naka-bonding niya si Daniel Padilla.
Habang nasa kalagitnaan ng gig ng kanyang bandang “Libre,” nadiskubre niyang nanonood pala ang 27-anyos na aktor sa nasabing bar.
Naglakas loob itong lapitan ang sikat na aktor, ngunit laking gulat ni Kevin ng batiin siya nito sa pangalan ng kanyang vlog character na si Baldo.
“Hindi ko talaga alam na nandun siya, hindi niya rin ata alam na nandun ako,” kwento ni Kevin.
Tanong ni Pat Velasquez-Gaspar: “Tinawag ka niya? Ano’ng sabi niya sayo?”
“Baldo!” ani Kevin.
Hirit naman ni Vien Iligan-Velasquez: “Daniel, kilala mo ba si Junnie Boy? Asawa ko yon!”
Sagot naman ni Kevin: “Ako nga kilala, paano pa kayo?”
Kwento ni Kevin Hermosada, inaya pa ni Daniel ang Team Payaman na mag basketball at nagsabi na dadayo sa Team Payaman Playhouse para makapag bonding.
“Ito legit ‘to ha? Sabi niya ‘basketball tayo,’ dadayo daw sila don (Playhouse),” kwento ni Kevin.
“Sabi ko ‘legit ba?’ Tapos hindi siya nagsalita, kinuha niya yung phone ko tapos binigay niya yung number niya,” dagdag pa nito.
Halos mapuno ng hiyawan ang Payamansion sa kilig nina Viy Cortez, Clouie Dims, at Vien nang ikwento ito ni Kevin.
Inudyukan naman ng Wild Cats si Kevin na i-set na ang kanilang basketball match kasama ang Team Payaman.
Agad naman nagpadala ng mensahe si Kevin kay Daniel at nangako ang aktor na i-schedule ang kanilang laro sa lalong madaling panahon.
Watch the full vlog below:
Matapos ang halos isang taong pahinga sa vlogging, muling nagbabalik ang Team Payaman member na…
Isang simpleng pamumuhay ngunit payapa—iyan ang araw-araw na buhay ngayon ng ama ng namayapang content…
Sa pinakabagong episode ng Dudut’s Kitchen, isang kakaibang cooking challenge ang inihanda ng resident cook…
Balik-bata vibes ang hatid ng bagong vlog ni Yow Andrada kasama ang kapwa Team Payaman…
Road to a healthier lifestyle ang motto ng mag-asawang Junnie Boy at Vien Iligan-Velasquez matapos…
Isa ngayon ang pagfu-foodtrip ang hatid ng Team Payaman vlogger na si Clouie Dims kasama…
This website uses cookies.